৩১ মাৰ্চ ২০২১ অৰ্থাৎ স্থায়ী একাউণ্ট নম্বৰৰ (পান) স’তে আধাৰ কাৰ্ড সংযুক্ত কৰাৰ অন্তিমটো দিন । আজিয়ে দুটি পৰিচয় পত্ৰ সংযুক্ত নকৰিলে বিত্তীয় বিল ২০২১ৰ ভিত্তিত এহেজাৰ টকাৰ জৰিমনা ভৰিব লাগিব । কেন্দ্ৰীয় চৰকাৰে বিগত সপ্তাহত বিত্তীয় বিল ২০২১ পাছ কৰে, এই বিলখনত নতুন শাখা ‘২৩৪এইচ’ অন্তৰ্ভুক্ত কৰা হৈছে । এই শাখা অনুসৰি কোনো ব্যক্তিয়ে পান কাৰ্ডৰ স’তে আধাৰ কাৰ্ড সংযুক্ত নকৰিলে এহেজাৰ টকা জৰিমনা দিব লাগিব । পান কাৰ্ড আধাৰ কাৰ্ডৰ স’তে সংযুক্ত নকৰিলে কাৰ্ডখন নিষ্ক্ৰিয় পৰিব ।
আধাৰ কাৰ্ড হৈছে ১২টা সংখ্যাযুক্ত ভাৰতীয় একক পৰিচয় কৰ্তৃপক্ষ (ইউআইডিএআই)ৰ দ্বাৰা জাৰি কৰা এক পৰিচয় পত্ৰ । পান কাৰ্ড হৈছে ১০টা আলফানিউমেৰিক সংখ্যাযুক্ত আয়কৰ বিভাগ (আইটি)ৰ দ্বাৰা আবণ্টিত ।
আপুনি অতি সহজে অনলাইনযোগে পৰিচয় পত্ৰ দুটি সংযুক্ত কৰিব পাৰিব ।
কেনেকৈ সংযুক্ত কৰিব পঢ়ক সবিশেষঃ
● আয়কৰ ৰিটাৰ্ণ ই-ফিলিং ৱেবছাইটত লগ ইন কৰক – www.incometaxindiaefilling.gov.in, ‘link Aadhaar’ বিকল্পটো ক্লিক কৰক ।
● নিৰ্দিষ্ট স্থানসমূহত সঠিক স্থায়ী একাউণ্ট নম্বৰ, আধাৰ নম্বৰ আৰু সম্পূৰ্ণ নাম (আধাৰ কাৰ্ডত থকা) অন্তৰ্ভুক্ত কৰক ।
● নিৰ্দিষ্ট স্থানত অন্যান্য বিৱৰণ যেনে জন্ম তাৰিখ লিখক ।
● কেপচা ক’ড লিখক ।
● এতিয়া ৱেবপৃষ্ঠাৰ একেবাৰে শেষত থকা ‘লিংক আধাৰ’ বিকল্পটো ক্লিক কৰক ।
