কোকৰাঝাৰ জিলাৰ গোসাঁইগাঁও মহকুমাৰ অন্তৰ্গত গুৰুফেলাত আজি অনূসুচিত জাতি পৰিষদৰ গোসাঁইগাওঁ জিলা কমিটিৰ উদ্যোগত আৰু গুৰুফেলা আঞ্চলিক কমিটিৰ সহযোগত ডঃ বি,আৰ,আম্বেদকাৰৰ ১৩০ তম জন্ম জয়ন্তী উদযাপন কৰে।
ৰাতিপুৱা প্ৰায় ১০ বজাত অনুষ্ঠান খনৰ আৰম্ভণিতে শহীদ বেদীত মাল্যাৰ্পণ কৰে গোসাঁইগাওঁ জিলা কমিটিৰ সাধাৰণ সম্পাদক গোপাল দাস আৰু সকলো কৰ্মকৰ্ত্তাই ডঃ বি,আৰ,আম্বেদকাৰৰ প্ৰতিচ্ছবিত পুষ্পাঞ্জলি প্ৰদান কৰে।
উক্ত অনুষ্ঠানত উপস্থিত থাকে অনুসূচিত জাতি পৰিষদৰ গোসাঁইগাওঁ জিলা কমিটিৰ সভাপতি মহাদেব সৰকাৰ,সম্পাদক গোপাল দাস,সাংগঠনিক সম্পাদক লংকেশ্বৰ সৰকাৰ,গুৰুফেলা আঞ্চলিক কমিটিৰ সভাপতি সুজিৎ সৰকাৰ,সম্পাদক ৰূপক দাস, স্থানীয় সমাজকৰ্মী তথা শিক্ষক যদুনাথ সৰকাৰ আৰু অনুসূচিত জাতি পৰিষদৰ বিভিন্ন কৰ্ম-কৰ্ত্তা সকল।
ডঃ বি. আৰ আম্বেদকাৰক অনুসূচীত জাতীৰ পিতৃ পুৰুষ আখ্যা দিয়াৰ লগতে অনুসূচীত জাতীৰ বিভিন্ন সমস্যাসমূহ গোসাঁইগাওঁ জিলা অনুসূচিত জাতি পৰিষদৰ সভাপতি মহাদেৱ সৰকাৰে সাংবাদিকৰ আগত সদৰি কৰে।