তামিল চলচ্চিত্ৰ জগতৰ অন্যতম জনপ্ৰিয় অভিনেতা তথা কৌতুক শিল্পী বিবেকৰ দেহাৱসান ঘটে । বৃহস্পতিবাৰে ক’ভিডৰ প্ৰথম প্ৰতিষেধক গ্ৰহণ কৰিছিল ৫৯ বছৰীয়া অভিনেতাজনে । সেইদিনাই তেওঁ হৃদৰোগত আক্ৰান্ত হয় । বৃহস্পতিবাৰে পুৱাই ১১ বজাত তেওঁক অচেতন অৱস্থাত চিকিৎসালয়লৈ লৈ যোৱা হয় । তেওঁক ইচিএমঅ’ ছাপ’ৰ্টত ৰখা হয় । অৱস্থা সূচনীয় আছিল বুলি জনায় চিকিৎসকসকলে । আজি পুৱাই শেষ নিশ্বাস ত্যাগ কৰে অভিনেতাজনে ।
তামিলনাডুৰ স্বাস্থ্য সচিবৰ উপস্থিতিত প্ৰতিষেধক প্ৰদান কৰা হয় । অভিনেতাজনৰ মৃত্যুৰ পাছত প্ৰতিষেধকৰ ওপৰত প্ৰশ্ন উত্থাপন কৰি স্বাস্থ্য সচিব ৰাধাকৃষ্ণণে জনায়, ‘এজন সচেতন ব্যক্তি হিচাপে স্বইচ্ছাই নিজে প্ৰতিষেধক গ্ৰহণ কৰিছিল বিবেকে । ক’ভিডৰ প্ৰতিষেধকৰ স’তে তেওঁৰ হৃদৰোগৰ কোনো সম্পৰ্ক নাছিল ।’
তেওঁৰ কথাত আংশিক সমৰ্থন জনায় চিকিৎসালয় কৰ্তৃপক্ষই দাবী জনায়, হৃদৰোগ আক্ৰান্ত হোৱাৰ বেলেগ । তেওঁৰ হৃদযন্ত্ৰৰ অৱস্থা অতি শোচনীয় আছিল । প্ৰতিষেধক গ্ৰহণ কৰাৰ বাবে এই ঘটনা সংঘটিত নহ’বও পাৰে ।
প্ৰধানমন্ত্ৰী নৰেন্দ্ৰ মোদীয়ে অভিনেতাজনৰ মৃত্যুত শোক প্ৰকাশ কৰি টুইট কৰে, বিশিষ্ট অভিনেতা বিবেকৰ মৃত্যুত অসংখ্য লোক শোকস্তব্ধ । তেওঁৰ কৌতুক সৃজন আৰু বুদ্ধিদীপ্ত সংলাপে মানুহক আনন্দ দিছিল । তেওঁৰ চলচ্চিত্ৰ আৰু তেওঁৰ জীৱন উভয়তে তেওঁৰ দৰ্শন প্ৰকাশ পাইছে । তেওঁ মে পৰিৱেশ আৰু সমাজৰ প্ৰতি সচেতন আছিল সেইটো স্পষ্ট । তেওঁৰ পৰিয়াল, বন্ধু আৰু অনুৰাগীসকললৈ সমবেদনা জনাইছো । ওমঃ শান্তি ।’
The untimely demise of noted actor Vivek has left many saddened. His comic timing and intelligent dialogues entertained people. Both in his films and his life, his concern for the environment and society shone through. Condolences to his family, friends and admirers. Om Shanti.
— Narendra Modi (@narendramodi) April 17, 2021
অস্কাৰজয়ী সুৰকাৰ এ আৰ ৰহমানে টুইট কৰে, ‘বিশ্বাস হোৱা নাই আপুনি আমাক এৰি থৈ গ’ল । আপোনাৰ আত্মাই শান্তি পাওক । বহু দশক ধৰি আমাক বিনোদন দিছিল । সেই স্মৃতি আমাৰ লগত থাকি যাব ।’
@Actor_Vivek can’t believe you’ve left us ..May you rest in peace ..you’ve entertained us for decades ..your legacy will stay with us🌹
— A.R.Rahman (@arrahman) April 17, 2021