জনপ্ৰিয় অভিনেত্ৰী তথা সাংসদ জয়া বচ্চন আৰু বিশিষ্ট অভিনেতা অমিতাভ বচ্চনৰ পুত্ৰ অভিষেক বচ্চন । সেয়ে হয়তো বহুতেই তেওঁক সৰুৰ পৰা বিশেষ আভিজাত্যৰে ডাঙৰ-দীঘল হোৱা বুলি ধাৰণা কৰিব পাৰে । শেহতীয়া এক সাক্ষাৎকাৰত অভিষেক বচ্চনে জনায়, তেওঁ আৰু তেওঁৰ ভগ্নী শ্বেতা দুয়োজনে আন মধ্যবিত্ত ল’ৰা-ছোৱালীৰ দৰেই ডাঙৰ হৈছে । তেওঁলোকক সৰুৰ পৰাই শিক্ষা দিয়া হৈছিল যে, নিজৰ যোগ্যতাৰে নিজৰ চাহিদা পূৰণ কৰিব লাগিব ।
তেওঁ লগতে কয়, ‘দিনৰ অন্তত যেতিয়া দৰ্শকে তোমাৰ ছবি চাবলৈ আহে, তেতিয়া তোমাক চাবলৈ আহে । অমিতাভ বচ্চন, জয়া বচ্চন বা ঐশ্বৰ্য ৰাই বচ্চনক নহয় । মই যদি ভাল কাম নকৰো মোৰ ছবি কিয় চাব !’
https://www.instagram.com/p/B91FwIepHOl/?utm_source=ig_embed
জনপ্ৰিয় অভিষেকে সাক্ষাৎকাৰত কয় যে, এজন অভিনেতা হিচাপে আমি সকলোৱে প্ৰশংসা শুনিবলৈ ভাল পাওঁ । কোনোৱে পিঠিত থপ-থপালে ভাল লাগে । আমাৰ ছবিয়ে ভাল ব্যৱসায় কৰিলে আমাৰো ভাল লাগে । দৰ্শকৰ ভাল নালাগিলে মন বেয়া লাগে । সাধাৰণ মানুহৰ দৰেই সাফল্য-ব্যৰ্থতাই আমাৰ ওপৰত প্ৰভাৱ পেলায় ।
তেওঁ লগতে কয় যে, তেওঁৰ পিতৃ অমিতাভ বচ্চনৰ বাবে তেওঁক কোনো পৰিচালকে চলচ্চিত্ৰত ল’ব বিচৰা নাছিল । পিতৃৰ স’তে তুলনা কৰি ট্ৰ’লৰো সন্মুখীন হ’বলগীয়া হয় । অৱশ্যে এইবোৰ কথাই এতিয়া খুব এটা প্ৰভাৱ নেপেলাই বুলিও জনায় অভিষেকে ।
