ক’ভিড পৰিস্থিতিত অক্সিজেনৰ নাটনি পূৰণ কৰিবৰ বাবে ‘প্ৰশংসনীয়’ আৰু ‘অভূতপূৰ্ব’ উপায় ওলিয়ালে উত্তৰ প্ৰদেশ চৰকাৰে । এটা মৌলক কেনেকৈ অন্য এটা মৌল লৈ ৰূপান্তৰ কৰিব পাৰি তাৰেই ইংগিত পোৱা গ’ল উত্তৰপ্ৰদেশৰ মুখ্যমন্ত্ৰী যোগী আদিত্যনাথৰ তৰফৰ পৰা । ইয়াকে লৈ ব্যাপক সমালোচনাৰ সৃষ্টি হৈছে সামাজিক মাধ্যমত ।
ক’ভিড পৰিস্থিতিত অক্সিজেনৰ নাটনি পূৰণ কৰিবৰ বাবে নাইট্ৰ’জেনৰ পৰা অক্সিজেন প্ৰস্তুত কৰাৰ পৰামৰ্শ দিছে মুখ্যমন্ত্ৰী যোগী আদিত্যনাথৰ চৰকাৰে । তেওঁৰ অফিচিয়েল টুইটাৰ একাউণ্টৰ পৰা টুইট কৰি আইআইটি কানপুৰৰ পৰা সহায় বিচাৰি আবেদনো কৰা হৈছে ।
টুইটত লিখা হয়, ‘অক্সিজেনৰ সৰবৰাহ অব্যাহত ৰাখিবৰ বাবে চৰকাৰে সকলো ধৰণৰ চেষ্টা কৰিব লাগিব । সকলো ধৰণৰ সম্ভাৱনা আৰু বিকল্পৰ সদ্ব্যৱহাৰ কৰিব লাগিব । নাইট্ৰজেনৰ পৰা অক্সিজেন প্ৰস্তুত কৰণৰ বিষয়ত আইআইটি কানপুৰ আৰু অন্য বিশেষজ্ঞসকলৰ স’তে আলোচনা কৰিব লাগিব ।’
योगी जी की अलग इंजीनियरिंग चल रही है। नाचो भक्तों 🙄😣😸 pic.twitter.com/7sdWDQE2k2
— Gautam Trivedi (@KaptanHindostan) May 1, 2021
এই টুইটৰ প্ৰত্যুত্তৰ নিদি থাকিব নোৱাৰিল সামাজিক মাধ্যম ব্যৱহাৰকাৰীসকল । নাইট্ৰজেনৰ ‘এন’ আৰু অক্সিজেনৰ ‘অ’ লিখি ‘ন’ বুলি পোষ্ট কৰে এজনে । এজনে আকৌ কেৱল নাইট্ৰজেনতে সীমাবদ্ধ নাথাকি সকলো মৌলকেই অক্সিজেনত ৰূপান্তৰিত কৰিবলৈ পৰামৰ্শ দিয়ে ।
Nitrogen and Oxygen to Yogi in chorus. https://t.co/iYbhylpSEm pic.twitter.com/LjH1XXayra
— 🅿️ЯΞ💤 (@PrezzVerde) May 2, 2021
