চিকিৎসালয়ৰ শয্যাত শুই থকা ক’ভিড আক্ৰান্ত মাতৃৰ স’তে শেষবাৰৰ বাবে কথা পাতিব বিচাৰিছিল পুত্ৰই । সেই ইচ্ছা পূৰণ নহ’লেও মাতৃক অন্তিমবাৰৰ বাবে শুনাবলৈ ভিডিঅ’ কলত গীত পৰিৱেশন কৰে । দিল্লীৰ এগৰাকী চিকিৎসক দীপশিখা ঘোষে সেই মুহূৰ্তটো কেমেৰাত বন্দী কৰি ৰাখে । ইতিমধ্যে ভিডিঅ’ বিভিন্ন সামাজিক মাধ্যমত ভাইৰেল হৈ পৰিছে ।
দীপশিখাই ভিডিঅ’টো পোষ্ট কৰি লিখে, ‘আজি মোৰ ছিফ্ট শেষ হ’বৰ সময়ত । এই ভিডিঅ’টো মোৰ ৰোগীৰ আত্মীয়ই কৰা কল । আত্মীয়ই বিচাৰিলে আমি চিকিৎসালয়ত এই ব্যৱস্থা কৰো । ৰোগীগৰাকীৰ পুত্ৰই তেওঁৰ মৃত্যুৰ দিশে গতি কৰা মাতৃৰ বাবে গীত পৰিৱেশন কৰিছিল । মই সেইটো ৰেকৰ্ড কৰিছিলো ।’
ভাইৰেল হোৱা ভিডিঅ’টোত পুত্ৰই মাতৃৰ বাবে সত্তৰৰ দশকৰ জনপ্ৰিয় হিন্দী চলচ্চিত্ৰ ‘আ গলে লগ যা’ৰ গীত ‘তেৰা মুঝছে হে পেহলে কা নাতা ক’ই’ গীতটি পৰিৱেশন কৰে । দীপশিখাই টুইটাৰত জনায়, ভেণ্টিলেটৰ-ডায়লছিছ ইউনিটৰ কাষৰ দুৱাৰৰ বাহিৰৰ পৰা মাতৃক চাই গীতটি গোৱাৰ সময়ত পুত্ৰৰ কাষত নিৰৱ হৈ থিয় হৈ আছিল নাৰ্ছসকল । তেওঁ সম্পূৰ্ণ গীতটি মোবাইলত ৰেকৰ্ড কৰে । ইয়াৰ পাছতেই মৃত্যু হয় মহিলাগৰাকীৰ ।
চিকিৎসক দীপশিখাই কয়, ‘সেই গীতটিৰ অৰ্থ সম্প্ৰতি হাস্পতালৰ বহুতৰ বাবে পৰিৱৰ্তন হৈ গৈছে ।’
