তেজৰ কৰ্কট ৰোগত আক্ৰান্ত ভাৰতীয় জনতা পাৰ্টীৰ সাংসদ-অভিনেত্ৰী কিৰণ খেৰ । সম্প্ৰতি কেম’থেৰাপীৰ ফলত তেওঁৰ শৰীৰৰ দুৰ্বল হৈ পৰিছে । অভিনেতি অনুপম খেৰে পত্নীৰ অসুস্থতাৰ খবৰ দিলে অনুৰাগীসকলক ।
বিগত বৰ্ষৰ নৱেম্বৰত প্ৰথম প্ৰকাশ্যত আহিছিল যে, অভিনেত্ৰীগৰাকী মাৰাত্মক ৰোগত আক্ৰান্ত হৈছে । মুম্বাইৰ এখন হাস্পতালত তেওঁৰ চিকিৎসা আৰম্ভ হয় । চাৰি মাহ পৰ্যন্ত তেওঁৰ চিকিৎসা চলি থাকে । সম্প্ৰতি লাহে লাহে সুস্থ হোৱাৰ পথত অভিনেত্ৰীগৰাকী ।
অনুপমে নিয়মিত তেওঁৰ অনুৰাগীসকলক তথ্য দিলেও কিৰণৰ স্বাস্থ্যক লৈ নানান উৰাবাতৰি সমালোচনা হৈ আছিল । চলিত মাহৰ আৰম্ভণিতে ক’ভিড প্ৰতিষেধক গ্ৰহণ কৰে তাৰকা দম্পতীয়ে । প্ৰতিষেধক গ্ৰহণ কৰাৰ পাছত ফটোও তোলে কিৰণে ।
সম্প্ৰতি এক সংবাদ মাধ্যমক অভিনেতাজনে জনায় যে, কিৰণ লাহে লাহে সুস্থ হ’বলৈ লৈছে । কিন্তু কেম’থেৰাপীৰ ফলত শৰীৰত বিভিন্ন পাৰ্শ্বপ্ৰতিক্ৰিয়া হৈছে । সেয়ে কেতিয়াবা দুৰ্বল হৈ পৰে । ইয়াৰোপৰি ক’ভিড পৰিস্থিতিত এনে কঠিন ৰোগৰ চিকিৎসা কৰোৱাও সহজ নহয় ।
কৰ্কট ৰোগত আক্ৰান্ত ৰোগীসকলে মানুহক লগ কৰা, কথা পতা অত্যন্ত প্ৰয়োজনীয় । কিন্তু অতিমাৰীৰ ফলত এইটো সম্ভৱ হৈ উঠা নাই । অভিনেত্ৰীগৰাকী গৃহত থাকিয়ে মনৰ জোৰত সুস্থ হৈছে বুলি জনায় অনুপমে ।
