টকিঅ’ অলিম্পিক্সত নিজৰ স্থান বনালে মীৰাবাই চানুৱে । শনিবাৰে ৪৯ কেজি বিভাগৰ ভাৰোত্তোলকগৰাকীয়ে অলিম্পিক্সত খেলিবৰ বাবে যোগ্যতা অৰ্জন কৰিলে ।
২০১৭ত বিশ্বকাপ জয় কৰিছিল চানুৱে । তেওঁ ৪৯ কিলোগ্ৰাম বিভাগত এছিয়ান চেম্পিয়নশ্বিপত ব্ৰঞ্জ জয় কৰিছিল । সম্প্ৰতি ভাৰোত্তোলকসকলৰ বিশ্ব ক্ৰমতালিকাত দ্বিতীয় স্থানত চানু । স্প’ৰ্টছ অথ’ৰিটী অৱ ইণ্ডিয়া (ছাই)য়ে টুইট কৰি তেওঁক শুভেচ্ছা জনায় । টুইটত লিখে, ‘টকিঅ’ অলিম্পিক্সত যোগ্যতা অৰ্জন কৰাৰ বাবে মীৰাবাই চানুক শুভেচ্ছা । ভাৰোত্তোনৰ ক্ৰমতালিকাত তেওঁ দ্বিতীয় স্থানত আছে ।’
Many congratulations to #TOPSAthlete weightlifter @mirabai_chanu who has qualified for #Tokyo2020 after @iwfnet published its Absolute Ranking list where she is placed 2nd in the women’s 49 kg. pic.twitter.com/UhoXhpURaH
— SAI Media (@Media_SAI) June 12, 2021
ক্ৰমতালিকাত দ্বিতীয় স্থান লাভ কৰাৰ বাবেই যোগ্যতা অৰ্জন কৰিছে চানুৱে । ৰিঅ’ অলিম্পিক্সতো অংশগ্ৰহণ কৰিছিল চানুৱে । কিন্তু সেইবাৰ কোনো ওজন দাঙিব পৰা নাছিল তেওঁ । এইবাৰ পুনৰ সুযোগ লাভ কৰিছে ।
