ৰাজ্যত ক’ভিড সংক্ৰমণ ৰোধৰ বাবে ৰাজ্য চৰকাৰে ঘোষণা কৰা আংশিক ল’কডাউনে জুৰুলা কৰি পেলাইছে দুখীয়া শ্ৰেণীৰ লোকসকলক । তেনে সময়ছোৱাত বুধবাৰে গোসাঁইগাঁও মহকুমাৰ অন্তৰ্গত একেবাৰে পিছপৰা আদিবাসী অঞ্চল ঘুঘুঝৰা গাঁৱত দুখীয়া পৰিয়ালৰ মাজত খাদ্য সামগ্ৰী বিতৰণ কৰি মহানুভৱতা দেখুৱালে ৰবীন হুড আৰ্মীৰ গোসাঁইগাঁও শাখাই ।
ৰবীন হুড আৰ্মীৰ গোসাঁইগাঁও শাখাৰ সদস্যসকলে একত্ৰিত হৈ ঘুঘুঝৰা গাঁৱৰ অৰ্ধশতাধিক দুখীয়া পৰিয়ালৰ মাজত নিত্য প্ৰয়োজনীয় অত্যাৱশ্যকীয় খাদ্য সামগ্ৰী সামাজিক দূৰত্ব অটুট ৰাখি বিতৰণ কৰ । লগতে সকলোকে চৰকাৰে বান্ধি দিয়া ক’ভিডৰ নীতি নিয়ম মানি চলিবলৈ আৰু ক’ভিড ভেকচিন গ্ৰহণ কৰিবলৈ আহ্বান জনায় ।
তদুপৰি তেওঁলোকৰ এটা ওয়াৰ্ছ এপ নম্বৰ মুকলি কৰি দিয়ে । নম্বৰটো হ’ল ৮৯৭১৯৬৬১৬৪, জ্যেষ্ঠ নাগৰিকসকলৰ সহায়ৰ বাবে এই নম্বৰত যোগাযোগ কৰিবলৈ আহ্বান জনায় । এই নম্বৰত যোগাযোগ কৰিলে তেওঁলোকে জ্যেষ্ঠ নাগৰিকসকলক সহায় কৰিব লগতে যদি কোনোবাই এই ছেচ্ছাসেৱী সংগঠনটোত জড়িত হ’ব বিচাৰে তেওঁলোককো যোগাযোগ কৰিবলৈ আহ্বান জনায় ।
