দেশৰ কৰ’না পৰিস্থিতিৰ মোকাবিলা পূৰ্বতকৈ উন্নত, ইয়াকে ভাবি হাত সাবতি বহি থকা নাই জনপ্ৰিয় অভিনেতা ছনু ছুডে । ইয়াৰ পূৰ্বে তেওঁ বিদেশৰ পৰা অক্সিজেন প্লাণ্ট আনিছিল দেশবাসীৰ চিকিৎসাৰ বাবে । এইবাৰ তেওঁ অক্সিজেন প্লাণ্ট প্ৰেৰণ কৰিলে অন্ধ্ৰপ্ৰদেশৰ নেল্লোৰবাসীসকলৰ বাবে । মঙলবাৰে একাধিক প্লাণ্ট লৈ যাত্ৰা আৰম্ভ কৰে এখন ট্ৰাকে । ট্ৰাকত ছনুৰ বিশাল ফ্লেক্স ছবি লগোৱা হয় ।
দলৰ এজন সদস্যৰ মুঠোফোনত লাইভ থাকি ছনুৱে সকলো ব্যৱস্থাৰ তদাৰক কৰে ।
https://www.instagram.com/p/CQ-VAD-AnNW/?utm_source=ig_embed&ig_rid=a4bd7106-7fa0-4fb1-8178-99c722bbf3e3
এই ভিডিঅ’ ছনুৱে ইনষ্টাগ্ৰামত প’ষ্ট কৰিছে । তেওঁ জনায় যে, নেল্লোবাসীসকলৰ বাবে তেওঁ এই প্লাণ্ট পঠাইছে । ইয়াৰ দ্বাৰা নেল্লোৰ চিকিৎসা সেৱা উন্নত হ’ব আৰু ৰাইজ উপকৃত হ’ব বুলি তেওঁ আশাবাদী । নেল্লোবাসীৰ উচ্ছাস দেখি উৎফুল্লিত হৈছে । আগন্তুক সময়ত তেওঁ দেশৰ অন্য ৰাজ্যসমূহতো অক্সিজেন প্লাণ্টৰ যোগান ধৰাৰ চেষ্টা কৰিব ।
ইতিমধ্যে ছনুৰ মহানুভৱতাৰ সাক্ষী সাত লক্ষৰো অধিক সামাজিক মাধ্যম ব্যৱহাৰকাৰী ।
