প্ৰাক্তন ৰাষ্ট্ৰপতি জেকব জুমাৰ গ্ৰেপ্তাৰত উত্তাল দক্ষিণ আফ্ৰিকাত ভাৰতীয় আৰু ভাৰতীয় বংশোদ্ভূতসকলৰ নিৰাপত্তাক লৈ দুশ্চিন্তা প্ৰকাশ কৰিলে বৈদেশিক মন্ত্ৰী এছ জয়শংকৰে । দক্ষিণ আফ্ৰিকাত বসবাসকাৰী ভাৰতীয়সকলৰ সুৰক্ষা নিশ্চিত কৰিবলৈ তাৰ বৈদেশিক মন্ত্ৰণালয়ৰ স’তে আলোচনাত মিলিত হৈছে মন্ত্ৰী জয়শংকৰ । কালি এটা টুইট কৰি জয়শংকে কয়, ‘দক্ষিণ আফ্ৰিকাৰ বৈদেশিক মন্ত্ৰী নালেডি পাণ্ড’ৰৰ স’তে আলোচনা হৈছে ।
দেশৰ আইনশৃংখলা পুনৰ প্ৰতিষ্ঠা কৰিবৰ বাবে চৰকাৰে সকলো ধৰণৰ চেষ্টা কৰাৰ আশ্বাস দিছে তেওঁ । জনাই যে, শান্তি আৰু সুস্থিতি ঘূৰাই অনাই চৰকাৰৰ প্ৰথম লক্ষ্য । লগতে বৈদেশিক মন্ত্ৰণালয়ৰ সচিব সঞ্জয় ভট্টাচাৰ্যইও ভাৰতত নিযুক্ত দক্ষিণ আফ্ৰিকাৰ হাই কমিছনাৰক লগ কৰে ।
শাসনকালত দুৰ্নীতিৰ অভিযোগত অভিযুক্ত জুমাৰ কাৰাদণ্ডক কেন্দ্ৰ কৰি হিংসাত উত্তাল দক্ষিণ আফ্ৰিকাৰ বিভিন্ন অঞ্চল । বিগত এসপ্তাহ ধৰি পথ অৱৰোধ কৰি, টায়াৰ জ্বলাই বিক্ষোভ প্ৰদৰ্শন কৰি আহিছে জুমাৰ সমৰ্থকসকলে । এই অস্থিৰতাৰ সুযোগ লৈ বিভিন্ন দোকান-পোহাৰ, ৰেস্তোৰাঁ, শ্বপিং মলত অবাধ লুটপাত চলাইছে । লুট হোৱা দোকানৰ স্বত্বাধিকাৰীসকলৰ অধিকাংশই ভাৰতীয় বা ভাৰতীয় বংশোদ্ভূত ।
দক্ষিণ আফ্ৰিকা প্ৰশাসনৰ মন্তব্য, বৰ্তমান দেশত সৃষ্টি হোৱা অশান্তিৰ পাছত ৰাজনৈতিক কাৰণতকৈও বেছি লুটপাত চলোৱাৰ অসৎ উদ্দেশ্য জড়িত হৈ আছে । দক্ষিণ আফ্ৰিকাৰে ভাৰতীয় সম্প্ৰদায়ৰ এজন নেতাই কয়, ‘জোহানেছবাৰ্গৰ দৰে চহৰত সৰ্বত্ৰ ভাৰতীয়সকল আক্ৰান্ত । সমগ্ৰ দক্ষিণ আফ্ৰিকাত প্ৰায় ১৩ লাখ ভাৰতীয় আছে । প্ৰত্যেকেই যে বিপদত পৰিছে তেনে নহয়, কিন্তু পৰিস্থিতি সিফালেই ঢাল খাইছে । আমি চৰকাৰৰ পৰা প্ৰতিৰক্ষা বাহিনী বিচাৰি সাহাৰ্যৰ আবেদন কৰিছো । কিন্তু এই পৰ্যন্ত পোৱা নাই ।’
Appreciate the conversation with South African Foreign Minister Naledi Pandor today. She assured that her Government was doing utmost to enforce law and order. Early restoration of normalcy and peace was the overriding priority.
— Dr. S. Jaishankar (Modi Ka Parivar) (@DrSJaishankar) July 14, 2021