যোৱা দুটা বছৰ ধৰি সমগ্ৰ বিশ্বকে ত্ৰাসিত কৰা কৰ’না মহামাৰীৰ ভেকচিন ক্ৰয়ৰ বাবে মুখ্যমন্ত্ৰী সাহায্য পুজিলৈ ৰাজ্যৰ বহু শুভাকাংক্ষী, দল-সংগঠন তথা ব্যক্তিয়ে দান বৰঙনি যোগাই আহিছে৷ অসমৰ মুখ্যমন্ত্ৰী ড° হিমন্ত বিশ্ব শৰ্মাৰ আহ্বানমৰ্মে অসম সৰ্বশিক্ষা মিছন কৰ্মচাৰী সকলৰ হৈ সদৌ অসম সৰ্বশিক্ষা তৃতীয়-চতুৰ্থ বৰ্গ কৰ্মচাৰী ঐক্যমঞ্চই শনিবাৰে দিছপুৰত মুখ্যমন্ত্ৰীক সাক্ষাৎ কৰি সংস্থাৰ ফালৰপৰা এক লাখ একত্ৰিশ হাজাৰ টকাৰ ড্ৰাফট অৰ্পণ কৰে ৷
লগতে বাগসা,ধেমাজি,লক্ষিমপুৰ আৰু কৰিমগঞ্জ এই চাৰিখন জিলাৰ কৰ্মচাৰী সকলে এদিনৰ দৰমহা চাৰিখন ড্ৰাফটযোগে মুঠ তিনি লাখ পঁচিশ হাজাৰ ষোল্ল টকা অৰ্পণ কৰে ৷
আনহাতে সমগ্ৰ ৰাজ্যৰে কৰ্মীসকলৰ এদিনৰ দৰমহা ২৪ লাখ ৫০ হাজাৰ ৬৩০ পৰা ২১ লাখ ২৫ হেজাৰ ৬২১ টকা ইতিমধ্যে বিভিন্ন মাধ্যমেৰে জিলা সমুহে সাহায্য পুজিলৈ প্ৰেৰণ কৰিছে ৷
ঐক্যমঞ্চৰ ফালৰপৰা মুখ্যমন্ত্ৰী ড° হিমন্ত বিশ্ব শৰ্মাক জাপি, শৰাই, চেলেং চাদৰ আৰু ফুলাম গামোচাৰে সম্বৰ্দ্ধনা জনোৱা হয়৷ লগতে সৰ্বশিক্ষা প্ৰশাসনিক কৰ্মচাৰী সকলৰ সমস্যা সম্বলিত কেবাদফীয়া এখন স্মাৰকপত্ৰও মুখ্যমন্ত্ৰীৰ হাতত অৰ্পণ কৰা হয় ৷ উল্লেখ্য যে মুখ্যমন্ত্ৰীক সাক্ষাৎৰ সময়ত ঐক্যমঞ্চৰ ফালৰপৰা কাৰ্যকৰী সভাপতিদ্বয় বাগসাৰ জালাহ সৰ্বশিক্ষা অভিযান মিছনৰ আই ই বিভাগৰ ভূদেৱ গোস্বামী, ইন্দ্ৰশেখৰ শৰ্মা, সম্পাদক উত্তম দত্ত, উপ সভাপতি ৰক্তোতপল বৰঠাকুৰ, যুটীয়া সম্পাদক মনোজ ডেকা,প্ৰচাৰ সম্পাদক জিতু বৰুৱা আৰু কাৰ্যকৰী সদস্য হেমন্ত শৰ্মা উপস্থিত থাকি বৰঙনি সমুহ অৰ্পণ কৰে ৷
