জনপ্ৰিয় মেচেজিং এপ্ হোৱাটছএপৰ মুৰব্বী উইল কেথকাৰ্টে বিস্ফোৰক অভিযোগ উত্থাপন কৰিছে যে, ইজৰাইলী কোম্পানী এনএছঅ’ই প্ৰস্তুত কৰা স্পাইৱেৰৰ জৰিয়তে বিশ্বৰ কে’বাজনো শীৰ্ষ চৰকাৰী বিষয়াক হোৱাটছএপত নিৰীক্ষণ কৰা হৈছিল ।
চলিত সপ্তাহতে পেগাছাছৰ জৰিয়তে হোৱাটছএপৰ ওপৰত নজৰ ৰখাৰ তথ্য ফাদিল হয় । সংস্থাটোৱে ভুক্তভোগীসকলৰ বিষয়ে নতুন বিৱৰণ প্ৰকাশ কৰিছে। পেগাছাছ হৈছে পৃথিৱীৰ আটাইতকৈ শক্তিশালী নিৰীক্ষণ ছফ্টৱেৰ । যিটো পৃথিৱীৰ একাধিক দেশৰ চৰকাৰৰ দ্বাৰা সমালোচিত হৈছে।
দ্য গাৰ্ডিয়েনৰ স’তে হোৱা এক সাক্ষাৎকাৰত কেথকাৰ্টে কয়, “২০১৯ তে আমি বুজিছিলো যে কিবা সমস্যা হৈছে । কিন্তু এইটো যে পেগাছাছৰ জৰিয়তে হৈছে বুজি পোৱা নাছিলো । কিন্তু আমি সেই সময়তেই সতৰ্ক হৈছিলো ।” অৱশ্যে, স্পাইৱেৰ দাবী কৰে যে ব্যৱসায়িক উদ্দেশ্যৰ বাবে নিৰীক্ষণ কৰা নহয় ।
হোৱাটছএপে তৰফৰ পৰা কোৱা হয় যে, মোবাইল ফোন বা এই এপটো সুৰক্ষিত নহয় বুলি কোৱা তথ্য ‘অতিৰঞ্জিত’। ২০১৯ত বিশ্বব্যাপী ১৪০০জন চৰকাৰী বিষয়াৰ ফোনত নিৰীক্ষণ কৰা হৈছিল বুলি তেওঁ জনায় । উইল কেথকাৰ্টৰ মতে, সাংবাদিকসকলক তত্বাৱধানত ৰখাৰ এই কাৰ্যই মানৱ অধিকাৰৰ ওপৰত প্ৰভাৱ পেলাইছে ।
