মার্কিন সামৰিক বাহিনীয়ে শুকুৰবাৰে কয় যে তেওঁলোকে কাবুল বিমানবন্দৰৰ মাৰাত্মক আত্মঘাতী বোমা আক্ৰমণৰ ঘটনা স্বীকাৰ কৰা ইছলামিক ষ্টেট-খোৰাছানৰ এটা “পৰিকল্পনাকাৰীৰ” বিরুদ্ধে ড্র’ন আক্ৰমণ চলাইছে ।
চেন্ট্রেল কামাণ্ডৰ কেপ্টেইন বিল আৰবেনে কয়, “আফগানিস্তানৰ নাংগাহৰ প্রদেশত বিমান আক্ৰমণ হৈছে । প্রাথমিক ইংগিত হৈছে আমি লক্ষ্যবস্তুক হত্যা কৰিছো ।” তেওঁ লগতে কয়, ‘আমি জানো কোনো সাধাৰণ লোক হতাহত হোৱা নাই ।’
এজন ইছলামিক ষ্টেট আত্মঘাতী আক্ৰমণত কাবুল বিমানবন্দৰৰ গেটৰ বাহিৰত ১৩ জন মার্কিন সেনাসহ ১৭০ জন নিৰীহ নিহত হোৱাৰ পাছত, তালিবান শাসনৰ পৰা ৰক্ষা পাবলৈ পলায়ন কৰা আফগানসকলক সহায়কাৰী মার্কিন বাহিনী শুকুৰবাৰে অন্য আক্ৰমণৰ বাবে সতর্ক হৈ আছিল ।
প্রত্যক্ষদর্শীসকলে জনাইছে, বৃহস্পতিবাৰে সন্ধিয়া বিমানবন্দৰৰ বাহিৰত দুটা বিস্ফোৰণ আৰু গুলীবৰ্ষণৰ ঘটনা সংঘটিত হয় । আফগান সাংবাদিকে কৰা ভিডিঅ’ত দেখা গৈছে বিমানবন্দৰৰ কাষত এটা খালৰ চাৰিওপাশে কে’বা ডজন মৃত শৰীৰ পৰি আছে ।
তালিবানে জনাইছে, দুটা বিস্ফোৰণত ১৩ৰ পৰা ২০ জন লোক নিহত হৈছে । কিন্তু পূৰ্বৰ চৰকাৰৰ এজন স্বাস্থ্য কর্মকর্তাই জনাইছে, নিহতৰ সংখ্যা কমেও ৮৫ জন হ’ব ।
ৰাষ্ট্রপতি জ’ বাইডেন কাবুল বিমানবন্দৰৰ বাহিৰত সংঘটিত হোৱা মাৰাত্মক আক্ৰমণৰ বাবে সন্ত্রাসবাদীসকলৰ ‘চিকাৰ’ কৰাৰ প্ৰতিশ্ৰুতি দিছে ।
ভাবুকিৰ সম্মুখীন হোৱা যুদ্ধবিধ্বস্ত দেশৰ প্রায় সাত মিলিয়ন আফগান কৃষকসকলৰ সাহায্যৰ বাবে ৰাষ্ট্ৰসংঘই শনিবাৰে এক জৰুৰী বৈঠকৰ আহ্বান জনাইছে ।
