লাচিত সেনাৰ সভাপতি শৃংখল চালিহাই যোৱা কেইদিন ধৰি বাঙালী সংগঠন আৰু বাঙালী জাতিৰ বিৰুদ্ধে অপমানজনক মন্তব্য কৰাৰ বিৰুদ্ধে জাঙুৰ খাই উঠিছে সদৌ অসম বাঙালী যুব ছাত্ৰ ফেডাৰেচনে ৷
সংগঠনৰটোৰ গোসাইগাঁও জিলা সমিতি আৰু শ্ৰীৰামপুৰ আঞ্চলিক সমিতিৰ যৌথ উদ্যোগত আজি শ্ৰীৰামপুৰত শৃংখল চালিহাৰ জুমুঠি দাহ কৰি তীব্ৰ প্ৰতিবাদ সাব্যস্থ কৰে ৷
প্ৰতিবাদকাৰী সকলে শৃংখল চালিহা মুৰ্দাবাদ,বাঙালী বিৰোধী হুচিয়াৰ,শৃংখল চালিহাক গ্ৰেপ্তাৰ কৰক আদি শ্লোগানেৰে পৰিবেশ উত্তাল কৰি তোলে ৷
উক্ত কাৰ্যসুচীত উপস্থিত গোসাইগাঁও জিলা সভাপতি উত্তম সাহাই শৃংখল চালিহাৰ আচৰনক কঠোৰ ভাষাৰে সমালোচনা কৰি তেৱক শীঘ্ৰে গ্ৰেপ্তাৰৰ দাবী জনায় ৷
কাৰ্যসুচীত ফেডাৰেছনৰ ধুবুুুুৰী জিলা সমিতিৰ সভাপতি বাবলু সৰকাৰেও শৃংখল চালিহা আৰু অসম চৰকাৰৰ ভূমিকাৰ তীব্ৰ সমালোচনা কৰে ৷ ২৪ ঘন্টাৰ ভিতৰত উৎশৃখল চালিহাক গ্ৰেপ্তাৰ নকৰিলে সমগ্ৰ অসম জুৰি বাঙালী সংগঠনে তীব্ৰ গনতান্ত্ৰীক আন্দোলন গঢ়ি তুলিব বুলি হুংকাৰ দিয়ে ৷
