২০০২ৰ এক পথ দুর্ঘটনাক কেন্দ্র কৰি এটা ভিডিঅ’ গেম তৈয়াৰ কৰা হয় । সেই দুর্ঘটনাত জড়িত আছিল ছলমান খানৰ নাম । অভিনেতাক ব্যংগ কৰি গেমটোৰ নাম ৰাখা হয় ‘ছেলমন ভই’ । এই ভিডিঅ’ গেমটোৰ বিৰুদ্ধে মুম্বাই দেৱানী আদালতৰ দ্বাৰস্থ হৈছিল ছলমান খান ।
এই ভিডিঅ’ গেমৰ নির্মাতা পেৰ’ডি ষ্টুডিয়’জ প্রাইভেট লিমিটেডক এই গেমটো বা ছলমান সম্পর্কিত আৰু কোনো ধৰণৰ প্রচাৰ আৰু নতুনকৈ তৈয়াৰ নকৰিবৰ নির্দেশ দিছে আদালতে । লগতে, গুগল প্লে আৰু অন্যান্য প্ল্যাটফর্মৰ পৰা এই ভিডিঅ’ গেমটো আঁতৰাই দিয়াৰ নির্দেশ দিয়া হয় । আদালতে জনায়, ছলমান খানক লক্ষ্য কৰিয়ে এই ভিডিঅ’ গেমৰ চৰিত্রটো তৈয়াৰ কৰা হৈছে, কিন্তু তেওঁৰ পৰা কোনো ধৰণৰ অনুমতি লোৱা নাই ।
ন্যায়ালয়ৰ অনুসৰি, উক্ত গেম তৈয়াৰ কৰা অভিযোগকাৰী অর্থাৎ ছলমান আৰু তেওঁৰ বিৰুদ্ধে অনা গোচৰৰ স’তে সাদৃশ্য আছে । কিন্তু ছলমানে এই গেমটো তৈয়াৰ কৰাৰ অনুমতি দিয়া নাই । সেয়ে এই ক্ষেত্রত ছলমানৰ গোপনীয়তা বজায় ৰখাৰ অধিকাৰ লংঘিত হৈছে আৰু তেওঁৰ ভাবমূর্তি নষ্ট হৈছে ।
যোৱা মাহত ছলমানে আদালতত এই গেমৰ বিৰুদ্ধে গোচৰ ৰুজু কৰে । অভিনেতাজনৰ অভিযোগ, গেমৰ চৰিত্রৰ ছবি আৰু নামৰ স’তে তেওঁৰ মিল আছে । ছলমানক তেওঁৰ অনুৰাগীসকলে ‘ছলমান ভাই’ বুলি সম্বোধন কৰে । সেয়ে নির্মাতায়ো ব্যংগ কৰি এই গেমৰ নাম ‘ছেলমন ভাই’ ৰাখিছে ।
২০০২ৰ ২৮ ছেপ্টেম্বৰত ছলমানৰ গাড়ীয়ে নিয়ন্ত্রণ হেৰুৱাই ফুটপাথত উঠি যায় । তেওঁৰ গাড়ীৰ চেপাত ফুটপাথত শুই থকা এজন ব্যক্তিৰ মৃত্যু হয় । চাৰিজন লোক আহতও হয় । কিন্তু আদালতত প্রমাণ কৰা হয় যে, দুর্ঘটনাৰ সময়ত ছলমান চালকৰ আসনত নাছিল । ২০১৫ ত ছলমানক নির্দোষী ঘোষণা কৰে ব’ম্বে উচ্চ ন্যায়ালয়ে ।
