ছিকিম চৰকাৰে ঘোষণা কৰা অনুসৰি ২০২২ৰ পহিলা জানুৱাৰীৰ পৰা ৰাজ্যখনত প্লাষ্টিকৰ পানীৰ বটল সম্পূৰ্ণৰূপে নিষিদ্ধ কৰা হ’ব ।
এক জানুৱাৰীৰ পৰা ছিকিমৰ বজাৰত প্লাষ্টিকৰ পানীৰ বটল বিক্ৰী কৰা আৰু ব্যৱহাৰ কৰিব নোৱাৰিব । তদুপৰি আন ৰাজ্যৰ পৰা ছিকিমলৈ যোৱা লোকসকলেও প্লাষ্টিকৰ পানীৰ বটলসহ ৰাজ্যখনত প্ৰৱেশ কৰিব নোৱাৰিব ।
ছিকিমৰ মুখ্যমন্ত্ৰী প্ৰেম সিং টামাঙে এই কথা ঘোষণা কৰি কয় যে পৰিচ্ছন্ন আৰু স্বাস্থ্যসন্মত পানীয় জল যোগান ধৰাৰ বাবে প্ৰাকৃতিক পৰিৱেশ ছিকিমত অটুত আছে । ৰাজ্যখনক প্লাষ্টিকমুক্ত পৰিচ্ছন্ন ৰূপত গঢ় দিবলৈ এই সিদ্ধান্ত লোৱা বুলি টামাং চৰকাৰে জানিবলৈ দিয়ে ।