দক্ষিণ ছুদানত শান্তি ৰক্ষাত অনন্য নজিৰৰ বাবে সন্মানিত হ’ল ভাৰতৰ ৰাজ্য আৰু কেন্দ্রীয় স্তৰৰ আৰক্ষী বিষয়া আৰু কর্মীসকল । ইয়াৰ উপৰি পৃথককৈ ৰাষ্ট্ৰসংঘৰ তৰফৰ পৰা সন্মান জনোৱা হ’ল সশস্ত্র সীমা বলৰ বিষয়া ৰাজেশ সিঙক । দক্ষিণ ছুদানৰ জুবাত ছেক্টৰ ফিল্ড বিয়া হিচাপে সন্মানিত কৰা হয় ৰাজেশক । দক্ষিণ ছুদানৰ সৰ্বাধিক ক্ষতিগ্রস্ত অঞ্চল, য’ত মূলতঃ শৰণাৰ্থীৰ ভিৰ, তাত শান্তি বজায় ৰাখবলৈ দিনৰ পাছত দিন ধৰি কাম কৰিছে ৰাজেশে ।
ৰাষ্ট্ৰসংঘৰ তৰফৰ পৰা কোৱা হৈছে, এই সমগ্ৰ অঞ্চলত শান্তি বজায় ৰাখিবলৈ দীর্ঘদিন এককভাৱে কাম কৰিছে ৰাজেশে । এই অঞ্চলত কেনেদৰে শান্তিশৃংখলা বজায় ৰাখিব পাৰি, সেই বিষয়ত বিশেষ ভূমিকা গ্ৰহণ কৰিছে তেওঁলোকে । তদুপৰি, বিভিন্ন সমাজকল্যাণমূলক কামতো অংশ তেওঁ অংশ লৈছে । আর্তজনক খাদ্য দিয়াৰ পৰা আৰম্ভ কৰি বিভিন্ন কামত অগ্রণী ভূমিকা লৈছিল ৰাজেশে । এই সমস্ত কামৰ বাবেই ৰাষ্ট্ৰসংঘৰ তৰফৰ পৰা ৰাজেশক এটা পদকো দিয়া হৈছে ।