সমগ্ৰ ৰাষ্ট্ৰখনৰ লগতে এনটিপিচি, বঙাইগাঁৱেও আজিৰেপৰা এক নৱেম্বৰ, ২০২১ লৈকে সতৰ্কতা সজাগতা সপ্তাহ পালন কৰিছে ।
ষ্টেচনটোৰ টাউনশ্বিপৰ ভিতৰত ইয়াৰ কৰ্মচাৰীসকলে প্ৰভাত ফেৰীত অংশগ্ৰহণেৰে এই কাৰ্য্যসূচী আৰম্ভ হয় । পাছত, এনটিপিচি, বঙাইগাঁৱৰ ইডি সুব্ৰত মণ্ডলে এনটিপিচি, বঙাইগাঁৱৰ চিভিঅ’ উজ্জ্বল সৰকাৰ আৰু ষ্টেচনটোৰ সকলো বিভাগীয় মুৰব্বী, কৰ্মচাৰীৰ উপস্থিতিত সতৰ্কতাৰ শপত বাক্য পাঠ কৰায় । সংস্থাটোৰ সতৰ্ক হৈ থকা আৰু এক অখণ্ডতা-আধাৰিত প্ৰণালীৰ দিশত সচেষ্টতাৰ বাবে এই সপ্তাহ পালন কৰা হৈছে যিয়ে কোম্পানীটোৰ ভিতৰত এক পেছাদাৰী আৰু নৈতিক সংস্কৃতি প্ৰোথিত কৰিবলৈ নিৰন্তৰ সোঁৱৰাই দিয়ে ।
মণ্ডলে এখন দুৰ্নীতিমুক্ত সমাজৰ ওপৰত গুৰুত্ব আৰোপ কৰে আৰু কৰ্মচাৰী আৰু সহযোগীসকলক সংস্থাটোক সতৰ্ক আৰু অখণ্ডতা আধাৰিত কৰি তোলাৰ বাবে ভিন্ন ব্যৱস্থা/পদক্ষেপ সন্দৰ্ভত সজাগ হ’বলৈ আহ্বান জনায় । প্ৰকল্প চৌহদৰ ভিতৰতো সতৰ্কতাৰ শপত বাক্য পাঠ কৰোৱা যায় য’ত জিএম (অ’এণ্ডএম) টি. ৰবিন্দৰ, জিএম (অপাৰেচন) ডি.পি. পাত্ৰয়ে প্ৰকল্পটোৰ অভিযন্তাসকলৰ মাজত শপত বাক্য পাঠ কৰায় । ৰবিন্দৰে আজিৰ তাৰিখত এক সজাগ সংস্থাৰ ভূমিকা আৰু দুৰ্নীতিৰ বিপদ সন্দৰ্ভতো আলোকপাত কৰে ।
ষ্টেচনটোৰ ভিজিলেন্স শাখাই আয়োজন কৰা এই সপ্তাহজোৰা উদ্যাপনত ক’ভিডৰ যথোচিত আচৰণ পালনেৰে সংস্থাটোৰ ভিতৰে-বাহিৰে ভিন্ন প্ৰতিযোগিতা আৰু ক্ৰিয়া-কলাপ অনুষ্ঠিত কৰা হ’ব ।
