ক’ভেক্সিন প্ৰস্তুতকাৰী সংস্থা ভাৰত বায়’টেকৰ পৰা আৰু নথি পত্ৰ বিচাৰিলে বিশ্ব স্বাস্থ্য সংস্থাৰ বিশেষজ্ঞ সমিতিয়ে ।অহা দুই-তিনিদিনৰ ভিতৰত ক’ভেক্সিনক অনুমতি পত্ৰ দিয়া হ’ব পাৰে বুলি মঙলবাৰে হু’ৰ তৰফৰ পৰা জনোৱা হৈছে যদিও এই প্ৰক্ৰিয়াত কিছু পলম হোৱাৰ সম্ভাৱনা আছে ।
ক’ভেক্সিন ব্যৱহাৰৰ বিপদাশংকা আৰু সফলতাৰ বিষয়ে বিভিন্ন তথ্য আৰু নথিপত্ৰ পৰীক্ষা কৰিবলৈ হু’ৰ বিশেষজ্ঞ সমিতিয়ে মঙলবাৰে বৈঠকত মিলিত হয় । বিশেষজ্ঞসকলে সমগ্ৰ বিশ্বতে ভাৰতীয় নিৰ্মিত ক’ভিড টিকাক অনুমতি পত্ৰ দিবলৈ সন্মত হৈছিল ।
কিন্তু হু’ৱে আৰু কিছুমান গুৰুত্বপূৰ্ণ নথিপত্ৰ পৰীক্ষা নকৰালৈকে ক’ভেক্সিনক অনুমতি পত্ৰ নিদিয়াৰ সিদ্ধান্ত লৈছে হু-ৱে ।
ভাৰত বায়’টেকে দাবী কৰিছে, কৰ’না প্ৰতিৰোধ কৰাত ক’ভেক্সিন ৭৭.৮ শতাংশ কাৰ্যকৰী । ডেল্টা ৰূপৰ বিৰুদ্ধে প্রতিৰোধ ক্ষমতা গঢ়ি তোলাটো ৬৫.২ শতাংশ কার্যকৰী তেওঁলোকৰ প্রতিষেধক । এই দাবীৰ প্ৰমাণ হিচাপেই প্ৰতিষেধক নিৰ্মাণ কোম্পানীটোৰ পৰা অধিক নথিপত্ৰ বিচাৰিছে হু’ৱে ।