চলিত বৰ্ষত বৰ্তমানলৈকে বৈদ্যুতিক গাড়ী নিৰ্মাতা কোম্পানী টেছলাৰ মুখ্য কাৰ্যবাহী বিষয়া এলন মাস্কৰ ১১৭ বিলিয়ন ডলাৰৰ সম্পত্তি বৃদ্ধি পালে । ইফালে, ভাৰতৰ সবাতোকৈ ধনাঢ্য উদ্যোগপতি মুকেশ অম্বানীৰ বৰ্তমানৰ সম্পত্তিৰ পৰিমাণ হৈছে ১০১ বিলিয়ন ডলাৰ । এসময়ত হাতত এখন সাধাৰণ সস্তীয়া গাড়ী ক্ৰয় কৰিবলৈ ধন নাছিল আৰু আজি মাস্ক হৈছে বিশ্বৰ বৃহত্তম গাড়ী কোম্পানীৰ মালিক ।
মুঠ সম্পদ আৰু চলিত বৰ্ষত উপাৰ্জনৰ দিশৰ পৰা সম্প্ৰতি বিশ্বৰ ভিতৰতে প্ৰথম স্থানত আছে মাস্ক । যোৱা সোমবাৰে এদিনতে ভাস্কৰ ৩৬.২ বিলিয়ন ডলাৰ অৰ্থাৎ ২.৭১ লাখ কোটি টকাৰ সম্পত্তি বৃদ্ধি পাইছিল । ব্লুমবাৰ্গ বিলিয়নেৰ্ছ ইনডেক্সৰ ইতিহাসত এয়াই আছিল এদিনত সম্পত্তিৰ সৰ্বাধিক বৃদ্ধি ।
বৰ্তমানে মাস্কৰ সম্পত্তিৰ পৰিমাণ হৈছে ২৮৭ বিলিয়ন ডলাৰ । মাত্ৰ এবছৰতে মাস্কে যি পৰিমাণৰ ধন উপাৰ্জন কৰিলে, সেই পৰিমাণৰ ধনৰ অধিকাৰী হ’বলৈ ৰিলায়েন্স ইণ্ডাষ্ট্ৰিজৰ মুৰব্বী মুকেশ অম্বানীয়ে আজীৱন ব্যয় কৰিব লগা হ’ল ।
