ফুলকবিত কি কি উপাদান কিমান পৰিমাণৰ থাকে
এশ গ্রাম ফুলকবিত সাধাৰণতে যিবােৰ উপাদান পােৱা যায় সেইবােৰে এগৰাকী ব্যক্তিক সুস্থ কৰি ৰখাত সহায় কৰে। কেলৰি ২৫, কার্বোহাইড্রেট ১৯.৩, চর্বি ০.৮ প্র’ষ্টিম ৪.৮,কেলছিয়াম ২২ মিলিগ্রাম, আয়ৰণ ০.৪ মিলিগ্রাম, মেগনেছিয়াম ১৫ মিলিগ্রাম, ফছফৰাছ ৪৪.০ মিলিগ্রাম, পটাছিয়াম ৩০৩ মিলিগ্রাম, ছ’ডিয়াম ৩০ মিলিগ্রাম, জিংক বা দস্তা ০.৩ মিলিগ্রাম, মেংগানিজ ০.২ মিলিগ্রাম, ছেলেনিয়াম ০.৬ মাইক্ৰ’গ্রাম, ফ্ল’ৰাইড ১.০ মাইক্রগ্রাম, ভিটামিন ‘এ’ ১৩.০ আন্তর্জাতিক ইউনিট বিটা কেৰােটিন ৮.০ মাইক্র’গ্রাম, ভিটামিন ‘চি’ ৪৬.৪ মিলিগ্রাম, ভিটামিন ই’ ০.১ মিলিগ্রাম, গামাটোকো ফেৰেল ০.২ মিলিগ্রাম ভিটামিন ‘কে’ ১৬.০ মাইক্ৰ’গ্রাম, থিয়ামিন ০.১ মিলিগ্রাম, ৰাইব’ ফ্লেভিন ০.১ মিলিগ্রাম নিয়ামিন ০.৫ মিলিগ্রাম, ভিটামিন বি৬ ০.২ মিলিগ্রাম, ফেলেট ৫৭.০ মাইক্র’গ্রাম, পেন্টোথেনিক এচিড ০.৭ মিলিগ্রাম, কলিন ৪৫.২ মিলিগ্রাম পােৱা যায়। তদুপৰি প্রটিন ২.০ গ্রাম, জলীয় ভাপ ৯১.৯ গ্রাম, কার্বোহাইড্রেট ৫.৩ গ্রাম, ফাইবাৰ ২.৫ গ্রাম, ওমেগাত ফেটী এচিড ৩৭.০ মিলিগ্রাম, ওমেগ্রা-৬ ফেটী এচিড ১১.৬ মিলিগ্রাম পােৱা যায়। ইমানবােৰ শৰীৰৰ বাবে উপকাৰী উপাদান একেলগে লাভ কৰাটো কম কথা নহয়।
ফুলকবি খালে কিয় হয় গেছ
ফুলকবিত কিছু পৰিমাণে জটিল কার্বোহাইড্রেট থাকে। এয়া সহজে হজম নােহােৱাৰ ফলত ক্ষুদ্রান্ত্র আৰু বৃহদন্ত্রত গেছ উৎপন্ন হয়। তদুপৰি ইয়াত থকা ছালফাৰ বাবে গেছ দুর্গন্ধময় হয়। যদিহে এনে ধৰণৰ সমস্যাৰ সৃষ্টি হয় তেতিয়াহ’লে এইবিধ পাচলি খাব নালাগে।
এন্টি অক্সিডেন্ট সমৃদ্ধ গুণ
ফুলকবিত থাকে এন্টিঅক্সিডেন্ট। তদুপৰি ফাইটো নিউণ্টিয়েন সমৃদ্ধ পাচলি। এই দুয়ােবিধ উপাদানে কৰ্কটৰােগ প্রতিৰােধত সহায় কৰে। বিভিন্ন ধৰণৰ পৰীক্ষা-নিৰীক্ষাত এইটো
প্রমাণিত হৈছে যে ফুলকবি নিয়মীয়াকৈ খালে খাদ্যনলী, স্তন্য প্রষ্টেট, হাওঁফাঁও, কলনত হােৱা কর্কটৰােগ প্ৰতিৰােধ হয়। দৰাচলতে ফুলকবিত থকা ইন্তোলথ্রি-কাৰ্বির্নল ছালফোৰেফেনে কৰ্কট ৰােগ প্ৰতিৰােধ কৰিব পৰা ক্ষমতা আছে। সেইবাবে বতৰৰ পাচলিবিধ নিয়মীয়াকৈ খাব লাগে।
প্ৰচুৰ পৰিমাণে ফাইবাৰ থাকে
সাধাৰণতে শীতকালত হােৱা পাচলিত যিবােৰ উপাদান প্ৰচুৰ পৰিমাণে থাকে সেইবােৰৰ ভিতৰত অন্যতম হ’ল ফাইবাৰ। এই পাচলিসমূহৰ ভিতৰত আকৌ ফুলকবিত ফাইবাৰ প্ৰচুৰ পৰিমাণে পােৱা যায়। সেইবাবে ইয়াক আঁহযুক্ত খাদ্য বুলি কোৱা হয়। এনে উপাদানসমৃদ্ধ পাচলি খালে কোষ্ঠ-কাঠিন্যৰ সমস্যাৰ পৰা হাত সাৰিব পাৰি। এনে খাদ্য খােৱাৰ পাছতে ভােক সােনকালে নােহােৱা হয়।ফাইবাৰ সমৃদ্ধ খাদ্য নিয়মীয়াকৈ খালে ওজন বৃদ্ধি হােৱাৰ আশংকা নাথাকে। অতিসম্প্রতি বিশ্বত মেদবহুল লােকৰ সংখ্যা বৃদ্ধি পাইছে। গতিকে এনে সমস্যাৰ পৰা হাত সাৰিবলৈ নিয়মীয়াকৈ ফুলকবি খােৱা উচিত।
ৰােগ-প্রতিবােধ ক্ষমতা নিয়ন্ত্রণ কৰে
ফুলকবি খালে ৰােগ প্ৰতিৰােধ ক্ষমতা স্বাভাৱিক হৈ থাকে। ইয়াত থকা বিভিন্ন উপাদান ৰােগ প্ৰতিৰােধী ক্ষমতা নিয়ন্ত্রণ কৰে বুলি গৱেষকসকলে মন্তব্য কৰিছে। যেতিয়া মানুহৰ ৰােগ প্ৰতিৰােধ ক্ষমতা স্বাভাৱিক হৈ থাকে তেতিয়া বিভিন্ন ৰােগৰ ভাইৰাছ বেক্টেৰিয়াই আক্রমণ কৰিবলৈ সহজে সুযােগ নাপায়।
ভিটামিন ‘কে’ৰ ভঁৰাল
ফুলকবিত প্ৰচুৰ পৰিমাণে ভিটামিন ‘কে’ থাকে। ইয়াত থকা কেলছিয়ামে এইবিধ ভিটামিন হজম কৰাত সহায় কৰে। কেলছিয়ামে হাড় শক্তিশালী কৰাত সহায়ক। সেয়েহে অষ্টিঅ’পৰােছিছ বা হাড় থুনুকা হােৱাৰ পৰা হাত সাৰিব পাৰি। এইবিধ পাচলিত থকা উপাদানে হাড় শক্তিশালী কৰাত সহায় কৰে বাবে সৰুৰে পৰাই খুৱাব পাৰি।
কি কি উপাদান থাকে
ফুলকবিত প্ৰচুৰ পৰিমাণে শৰীৰৰ বাবে উপকাৰী বিভিন্ন উপাদান থাকে। ভিটামিন ‘চি’,ভিটামিন ‘কে’, ভিটামিন বি-৬ ফলিক এডিচ,বায়ামিন,ৰাইবােফ্লেভিন, নিয়াচিন, আয়ৰণ,পেন্টোথেনিক এচিড, কেলচিয়াম মেগনেছিয়াম,ফছফৰাছ, পটাছিয়াম আৰু মেংগানিজ পােৱা যায়। সেইবাবে ফুলকবি নিয়মীয়াকৈ খােৱা উচিত।
এইচ পাইলৰীৰ পৰা ৰক্ষা কৰে
এইচ পাইলৰী নামৰ বেক্টেৰিয়াবিধৰ আক্ৰমণৰ পৰা পাকস্থলীক ৰক্ষা কৰে। এইবিধ বেক্টেৰিয়াই যদি কেনেবাকৈ পাকস্থলীত বাহ লয় তেতিয়াহ’লে পাকস্থলীত আলচাৰ, আনকি কর্কটৰােগ পর্যন্ত হােৱাৰ আশংকা থাকে।
শৰ্কৰা-চর্বি বৃদ্ধি নকৰে
ফুলকবি খালে তেজত শৰ্কৰাৰ পৰিমাণ বৃদ্ধি নকৰে। তদুপৰি চর্বি জমা হ’বলৈ নিদিয়ে। গতিকে ডায়েবেটিছত আক্রান্তয়াে ফুলকবি খােৱাত বাধা নাই।
