লিংগ বৈষম্য সংক্রান্ত বিতর্কৰ পৰা হাত সাৰিবলৈ পিছ হুহকিলে চিবিএছই-য়ে । দশম শ্রেণীৰ ব’র্ড পৰীক্ষাৰ ইংৰাজী বিষয়ৰ বিতর্কিত প্রশ্ন প্রত্যাহাৰৰ কথা ঘোষণা কৰা হ’ল সোমবাৰে । চিবিএছই-য়ে জনাইছে, যিসকল পৰীক্ষার্থীয়ে এই প্রশ্নৰ উত্তর লিখিছে, তেওঁলোকৰ প্রত্যেককেই সম্পূৰ্ণ নম্বৰ দিয়া হ’ব ।
চিবিএছই পৰীক্ষাৰ বিতর্কিত প্রশ্নক লৈ সোমবাৰে সংসদত উত্তপ্ত পৰিস্থিতিৰ সৃষ্টি হয় । কংগ্রেছ সভানেত্রী ছোনিয়া গান্ধীয়ে, চিবিএছই দশম শ্রেণীৰ পৰীক্ষাৰ এই প্রশ্নক ‘চৰম নাৰীবিদ্বেষী’ বুলি কয় । সংসদত জিৰ’ আৱাৰৰ বক্তৃতাত তেওঁ কয়, ‘‘কেন্দ্রীয় চৰকাৰে ইয়াৰ বাবে নিঃচর্তে ক্ষমা বিচৰা উচিত ।’’ কংগ্রেছসহ কিছুসংখ্যক বিৰোধী দলৰ সাংসদসকলে কেন্দ্র নিয়ন্ত্রিত চিবিএছই-ৰ এই পদক্ষেপৰ প্রতিবাদ ৱাকআউট কৰে ।
Most #CBSE papers so far were too difficult and the comprehension passage in the English paper was downright disgusting.
Typical RSS-BJP ploys to crush the morale and future of the youth.
Kids, do your best.
Hard work pays. Bigotry doesn’t.— Rahul Gandhi (@RahulGandhi) December 13, 2021
দশম শ্রেণীৰ পৰীক্ষাৰ এটা প্রশ্নত কোৱা হয়, ‘পত্নীয়ে যদি স্বামীৰ কথা মানি চলে, সন্তানসকলেও তেওঁলোকৰ মাতৃৰ বাধ্য হ’ব’ । আন এটা বাক্যত কোৱা হয়, ‘মাতৃয়ে উচতনি দিয়াৰ বাবেই অভিভাবকসকলে সন্তানক নিয়ন্ত্রণ কৰাত সমস্যা হয়’ ।
কংগ্রেছ নেতা ৰাহুল গান্ধীয়ে সোমবাৰে টুইটাৰত লিখে, ‘চিবিএছই-ৰ এইবাৰৰ পৰীক্ষাৰ অধিকাংশ প্রশ্নই কঠিন । ইংৰাজী বিষয়ৰ পৰীক্ষাৰ কম্প্রিহেনছন অংশ একেবাৰে ঘৃণনীয় । আৰএছএছ আৰু বিজেপিয়ে মিলি দেশৰ যুৱ সমাজৰ নৈতিকতা আৰু ভৱিষ্যৎ শেষ কৰিব বিচাৰিছে । কঠোৰ পৰিশ্রমহে কাৰ্যকৰী, ধর্মান্ধতা নহয় ।’
Unbelievable! Are we really teaching children this drivel?
Clearly the BJP Government endorses these retrograde views on women, why else would they feature in the CBSE curriculum? @cbseindia29 @narendramodi?? pic.twitter.com/5NZyPUzWxz
— Priyanka Gandhi Vadra (@priyankagandhi) December 13, 2021
কংগ্রেছ নেত্রী প্রিয়ংকা গান্ধীয়েও চিবিএছই-ৰ বিতর্কিত প্রশ্নৰ বিৰোধিতাত টুইট কৰে । তেওঁ লিখে, ‘অবিশ্বাস্য ! সঁচাকে আমি শিশুসকলক কি শিক্ষা দিব বিচাৰিছো ! স্পষ্ট হ’ল, বিজেপি চৰকাৰে মহিলাসকলৰ সম্পর্কে ভুল ধাৰণাত সমর্থন কৰে । যদি নহয় তেন্তে চিবিএছই-ৰ প্রশ্ন কাকতত কিয় ঠাই পাব ?’
