প্রধানমন্ত্রী নৰেন্দ্র মোদীক ভূটানৰ সর্বোচ্চ নাগৰিক সন্মান দিয়াৰ কথা ঘোষণা কৰিলে চুবুৰীয়া দেশ ভূটানে । অতিমাৰী পৰিস্থিতিত প্রতিবেশী দেশৰ প্রতি সহায়ৰ হাত আগবঢ়াইছিল প্রধানমন্ত্রী নৰেন্দ্র মোদীয়ে । সেই সাহায্যকেই সন্মান জনাবলৈ প্রধানমন্ত্রীক সর্বোচ্চ নাগৰিক সন্মান ‘গাদাগ পেল গি খৰলো’ (Ngadag Pel gi Khorlo) দিয়াৰ কথা জনালে ভূটান চৰকাৰে ।
শুকুৰবাৰে ভূটানৰ ৰজা জিগমে খেছাৰ নামগিয়েল ৱাংচুকে জনায়, ‘ভাৰতৰ স’তে ভূটানৰ নিঃচর্ত বন্ধুত্বৰ সম্পর্ক আছে । প্রধানমন্ত্রী নৰেন্দ্র মোদীৰ শাসনকালত ভূটানক বহু বছৰ ধৰি সহায় কৰি আহিছে ভাৰতে । বিশেষকৈ কৰ’না পৰিস্থিতিত ভূটানৰ স’তে থিয় দিছে ভাৰতে ।’
Thank you, Lyonchhen @PMBhutan! I am deeply touched by this warm gesture, and express my grateful thanks to His Majesty the King of Bhutan. https://t.co/uVWC4FiZYT
— Narendra Modi (@narendramodi) December 17, 2021
ভূটানৰ প্ৰধানমন্ত্ৰী লটায় চেৰিঙে এক বিবৃতিত জনাইছে, “মাহামান্য ৰজাই ভূটানৰ সর্বোচ্চ নাগৰিক সন্মান গাদাগ পেল গি খৰলো প্রাপক হিচাপে নৰেন্দ্র মোদীৰ নাম ঘোষণা কৰাত আমি আনন্দিত । বছৰৰ পাছত বছৰ ধৰি আৰু বিশেষকৈ মহামাৰী চলাকালীন মোদীয়ে তেওঁৰ নিঃচর্ত বন্ধুত্ব আৰু সমর্থন দিছে ভূটানক । তেওঁৰ এই সন্মান প্রাপ্য । ভূটানৰ জনগণৰ তৰফৰ পৰা তেওঁলৈ অভিনন্দন ।মোদীক সকলো সময়তে এজন মহান, আধ্যাত্মিক মানুহ হিচাপে দেখিছো । ভূটানে সন্মান উদযাপনৰ বাবে উন্মুখ ।”