আহমেদাবাদ ধাৰাবাহিক বিস্ফোৰণ গোচৰত অভিযুক্ত ৪৯ জনৰ ভিতৰত ৩৮ জনক মৃত্যুদণ্ডৰ নির্দেশ দিলে আদালতে । ২০০৮ৰ এই বিস্ফোৰণত অভিযুক্ত আৰু ১১ জনক যাৱজ্জীৱনৰ নির্দেশ দিলে আদালতে । শুকুৰবাৰে আহমেদাবাদৰ বিশেষ আদালতে এই নির্দেশ দিছে । এই ধাৰাবাহিক বিস্ফোৰণৰ ঘটনাত মুঠ ৫৬ জন নিহত হৈছিল । লগতে দুশৰো অধিক লোক আহত হয় । তদন্ত আৰম্ভ কৰাৰ পাছত তদন্ত সংস্থাবোৰে মুঠ ৪৯ জনক এই ঘটনাৰ বাবে দোষী সাব্যস্ত কৰে ।
এই বিস্ফোৰণৰ ১৪ বছৰ পাছত অভিযুক্তসকলক শাস্তিৰ ঘোষণা কৰা হ’ল । যোৱা আঠ ফেব্রুৱাৰীত ঘটনাত অভিযুক্ত ৪৯ জনক দোষী সাব্যস্ত কৰে আদালতে । শুকুৰবাৰে তেওঁলোকৰ শাস্তি ঘোষণা কৰা হয় । ২০০৮ৰ ২৬ জুলাইত ১৯টা ধাৰাবাহিক বিস্ফোৰণত কঁপি উঠে আহমেদাবাদ চহৰ ।
2008 Ahmedabad serial bomb blast case | A special court pronounces death sentence to 38 out of 49 convicts pic.twitter.com/CtcEWGze2z
— ANI (@ANI) February 18, 2022
এই ঘটনাৰ অন্যতম প্রধান অভিযুক্ত ষ্টুডেণ্টছ মুভমেন্ট অৱ ইণ্ডিয়াৰ নেতা ছাফদাৰ নাগোৰি । আহমেদাবাদত বিস্ফোৰণৰ পূৰ্বে জয়পুৰ আৰু বেংগালুৰুটো একেই ধৰণে আক্ৰমণ চলোৱা হৈছিল ।