এতিয়াও স্বাভাৱিক হোৱা নাই আন্তৰ্জাতিক বিমান সেৱা । পৰৱৰ্তী নিৰ্দেশ জাৰী নোহোৱালৈকে আন্তৰ্জাতিক বিমান সমূহ স্থগিত থাকিব। সোমবাৰে জনালে কেন্দ্ৰীয় অসামৰিক বিমান পৰিবহন মন্ত্ৰালয়ে ।
ক’ভিড মহামাৰীৰ বাবে ২০২০ চনৰ ২৩ মাৰ্চৰ পৰা ভাৰত আৰু বিদেশৰ মাজত বিমান সংযোগ স্থগিত ৰখা হৈছে। কৰ’না যুদ্ধত দীঘলীয়া পথ অতিক্ৰম কৰাৰ পাছত যাত্ৰীসকলৰ সুবিধাৰ কথা মনত ৰাখি, সীমিত সংখ্যক বিমানে বৰ্তমান কেবাখনো দেশৰ স’তে দ্বিপাক্ষিক ‘এয়াৰ বাবল’ চুক্তিৰ জৰিয়তে কাম কৰি আছে।
ভাৰত বৰ্তমান ৪৫ খন দেশৰ স’তে ‘এয়াৰ বাবল ‘চুক্তিৰ দ্বাৰা আবদ্ধ। তথ্য অনুসৰি ইয়াৰ মাজতে আন্তৰ্জাতিক বিমান সেৱা স্বাভাৱিক হোৱাৰ পথত আছিল কিন্তু অমিক্ৰনৰ বাবে পিছুৱাই দিয়া হয় । অনুমান কৰা হৈছে , এইবাৰো ক’ভিডৰ আতংকত পিছুৱাই দিয়া হৈছে আন্তৰ্জাতিক বিমান।
কেন্দ্ৰীয় অসামৰিক বিমান পৰিবহন মন্ত্ৰালয়ে চলিত বছৰৰ ১৯ জানুৱাৰীত এটা নিৰ্দেশনা জাৰি কৰিছিল। নিৰ্দেশনা অনুসৰি, আন্তৰ্জাতিক বিমান সেৱা ২৮ ফেব্ৰুৱাৰীলৈকে স্থগিত থাকিব।
আজি মন্ত্ৰালয়ে জনায় যে এতিয়াও স্বাভাৱিক নহয় আন্তঃৰাষ্ট্ৰীয় বিমান সেৱা । আন্তৰ্জাতিক বিমান কেতিয়া আৰম্ভ হ’ব সেই বিষয়ে নিৰ্দেশনাৱলীত কোনো উল্লেখ নাই। পৰৱৰ্তী নিৰ্দেশ জাৰী নোহোৱালৈকে আন্তৰ্জাতিক বিমান সেৱা স্থগিত থাকিব। অৱশ্যে, ‘এয়াৰ বাবল’ চুক্তিৰ জৰিয়তে বিভিন্ন দেশৰ স’তে সক্ৰিয় বিমানৰ সীমিত সংখ্যা আগৰ দৰেই অব্যাহত থাকিব।
যোৱা বছৰৰ ২৬ নৱেম্বৰত কেন্দ্ৰই জনাই যে ১৫ ডিচেম্বৰৰ পৰা আন্তঃৰাষ্ট্ৰীয় বিমান সেৱা স্বাভাৱিক হ’ব। অৱশ্যে, যিবোৰ দেশত ক’ভিড-১৯ পৰিস্থিতি এতিয়াও স্বাভাৱিক নহয়, সেই বোৰ দেশত, বৰ্তমানৰ বাবে বিমান চলাচল স্থগিত থাকিব।
কিন্তু সেই সময়ত, দক্ষিণ আফ্ৰিকাত কৰ’নাৰ এক নতুন চাপৰ সন্ধান লাভৰ বাবে, বহুতে উৰণৰ সিদ্ধান্তক আদৰণি জনোৱা নাছিল। দিল্লীৰ মুখ্যমন্ত্ৰী অৰবিন্দ কেজৰিৱালে আন্তঃৰাষ্ট্ৰীয় বিমান আৰম্ভ নকৰিবলৈ আহ্বান জনাইছিল।
তাৰ পাছত, কেন্দ্ৰীয় চৰকাৰে বিমান আৰম্ভৰ সিদ্ধান্ত প্ৰত্যাহাৰ কৰে। ইয়াৰ পাছত একাধিকবাৰ পিছুৱাই দিয়া হয় , আন্তৰ্জাতিক বিমান আৰম্ভ হোৱাৰ দিন।
