আপোনাৰ যদি প’ষ্ট অফিচত ছিনিয়ৰ চিটিজেন ছেভিংছ স্কিম, মাহিলী আয় স্কিম আৰু টার্ম ডিপ’জিট একাউন্ট আছে, তেনেহ’লে এই খবৰ আপোনাৰ বাবে ।
এক এপ্রিল ২০২২ৰ পৰা প’ষ্ট অফিচত ছিনিয়ৰ চিটিজেন ছেভিংছ স্কিম, মাহিলী আয় স্কিম আৰু ম্যাদী জমা একাউন্টত নগদ সুদ দিয়া বন্ধ হৈ যাব ।
প’ষ্ট অফিচৰ ছেভিংছ একাউন্ট : সুদৰ হাৰ চাৰি শতাংশ । প্রতি বছৰে সুদৰ হিচাপ কৰা হয় ।
ডাক বিভাগে জনাইছে, বহু ছিনিয়ৰ চিটিজেন ছেভিংছ স্কিম, মাহিলী আয় স্কিম আৰু টার্ম ডিপ’জিট একাউন্ট হ’ল্ডাৰসকলে তেওঁলোকৰ মাহিলী/ত্রৈমাষিক/বার্ষিক সুদৰ ক্রেডিট কৰিবৰ বাবে তেওঁলোকৰ ছেভিংছ একাউন্ট (প’ষ্ট অফিচ ছেভিংছ একাউন্ট বা বেংক একাউন্ট) লিঙ্ক কৰা নাই ।
যদি একাউন্টধাৰীয়ে তেওঁৰ ছেভিংছ একাউন্ট লিংক নকৰে, সেই ক্ষেত্রত বকেয়া সুদ প’ষ্ট অফিচ ছেভিংছ একাউন্টত কেৱল ক্রেডিট বা চেকৰ মাধ্যমত প্রদান কৰা হ’ব ।