ৰন্ধন গেছৰ চিলিণ্ডাৰৰ মূল্য বৃদ্ধিৰ পাছত এইবাৰ পেট্রল আৰু ডিজেলৰ মূল্যও বৃদ্ধি পালে । ২০২১ৰ দুই নৱেম্বৰৰ পাছত এয়ে প্রথমবাৰ প্রতি লিটাৰত ৮৩ পইচাকৈ বৃদ্ধি কৰা হৈছে ইন্ধনৰ মূল্য ।
মূল্য বৃদ্ধিৰ পাছত, মঙলবাৰৰ পৰা দিল্লীত পেট্রল আৰু ডিজেলৰ মূল্য হ’ব প্রতি লিটাৰত যথাক্রমে ৯৬.২১ টকা আৰু ৮৭.৪৭ টকা । মুম্বাইত প্রতি লিটাৰ পেট্রল আৰু ডিজেলৰ মূল্য হ’ব যথাক্রমে ১১০.৮২ টকা আৰু ৯৫ টকা । একেদৰে, চেন্নাইত পেট্রল পোৱা যাব প্রতি লিটাৰ ১০২.১৬ টকাত আৰু ডিজেল পোৱা যাব ৯২.১৯ টকাত ।
আনহাতে, কলকাতাত প্রতি লিটাৰ পেট্রলৰ মূল্য হ’ব ১০৫.৫১ টকা আৰু ডিজেলৰ মূল্য হ’ব ৯০.৬২ টকা ।
প্রায় ১৩৭ দিন পাছত বৃদ্ধি পালে পেট্রল আৰু ডিজেলৰ মূল্য । সর্বশেষ মূল্য বৃদ্ধিৰ অর্থ হ’ল বিগত মাহত ইউক্রেইনত সংঘাত আৰম্ভ হোৱাৰ পাছৰ পৰা বিশ্বব্যাপী তেলৰ মূল্য বৃদ্ধি আৰু ভাৰতীয় টকাৰ পতন সত্ত্বেও গ্রাহকসকলে পাম্পত অধিক ধন দিব লাগিব, পূৰ্বৰ তুলনাত এক শতাংশৰ সামান্য কম ।
ভাৰতীয় ৰাষ্ট্র-চালিত তেল কোম্পানিয়ে চাৰি নৱেম্বৰৰ পৰা মূল্য বৃদ্ধি কৰা নাই । পর্যবেক্ষকসকলে ধাৰণা কৰিছে এই পদক্ষেপে গুৰুত্বপূর্ণ ৰাজ্য বিধানসভা নির্বাচনসমূহত প্রধানমন্ত্রী নৰেন্দ্র মোদীৰ ক্ষমতাত থকা ভাৰতীয় জনতা পার্টিক (BJP) সহায় কৰিছে ।
নৰেন্দ্র মোদী চৰকাৰে আন্তর্জাতিক অপৰিশোধিত তেলৰ বজাৰত অস্থিৰতা থকা সত্ত্বেও ইন্ধনৰ হাৰক প্রভাৱিত নকৰিবৰ বাবে একাধিক শুল্ক হ্ৰাস কৰিছে । উল্লেখযোগ্যভালে নৱেম্বৰত সর্বশেষ বৃদ্ধিৰ পাছৰ পৰা অপৰিশোধিত তেলৰ মূল্য ২৫ শতাংশৰো অধিক বৃদ্ধি পাইছে ।
ভাৰত, বিশ্বৰ তৃতীয় বৃহত্তম তেল আমদানিকাৰক আৰু ব্যবহাৰকাৰী । তাৰ তেল চাহিদাৰ প্রায় ৮৫ শতাংশ বিদেশী বজাৰৰ পৰা আহে । দেশৰ ডিজেল আৰু পেট্রলৰ মূল্য ইন্ধনৰ আন্তর্জাতিক মূল্যৰ স’তে জড়িত ।
