মঙলবাৰে দেশত ক’ভিডত দৈনিক আক্রান্তৰ সংখ্যা ১০ হেজাৰৰ তলত নামিলেও বিগত ২৪ ঘণ্টাত পুনৰ ১২ হেজাৰৰ ঘৰ পাৰ কৰিছে দৈনিক সংক্রমিতৰ সংখ্যা । কেন্দ্রীয় স্বাস্থ্য মন্ত্রণালয়ে দিয়া তথ্য অনুযায়ী, বিগত ২৪ ঘণ্টাত ক’ভিড- দৈনিক আক্রান্তৰ সংখ্যা বাঢ়ি হৈছে ১২,২৪৯ । মঙলবাৰে এই সংখ্যা আছিল ৯,৯২৩ ।
ক’ভিড বুলেটিন অনুযায়ী, বিগত ২৪ ঘণ্টাত ৯,৮৬২ জন ক’ভিডৰ প্রকোপৰ পৰা সুস্থ হৈছে । এই পর্যন্ত দেশজুৰি সুস্থ হৈছে চাৰি কোটি ২৭ লাখ ২৫ হেজাৰ ৫৫ জন । বর্তমান দেশত সুস্থতাৰ হাৰ ৯৮.৬০ শতাংশ ।
কেন্দ্রীয় স্বাস্থ্য মন্ত্রণালয়ৰ ক’ভিড পৰিসংখ্যা অনুযায়ী, দেশত দৈনিক সংক্রমণৰ শীর্ষত মহাৰাষ্ট্র । মহাৰাষ্ট্রত দৈনিক আক্রান্তৰ সংখ্যা চাৰি হেজাৰৰ ওচৰত । যোৱা ২৪ ঘণ্টাত মহাৰাষ্ট্রত দৈনিক সংক্রমিতৰ সংখ্যা ৩,৬৫৯ । ইয়াৰ পাছতে আছে কেৰালা । কেৰালাত দৈনিক আক্রান্তৰ সংখ্যা ২,৬০৯ ।
দৈনিক সংক্রমণৰ তালিকাত মহাৰাষ্ট্র আৰু কেৰালাৰ পাছত আছে দিল্লী (১,৩৮৩), কর্নাটক (৭৩৮), তামিলনাডু (৭৩৭) আৰু হৰিয়ানা (৬১১) । বর্তমান দাদৰা আৰু নগৰ হাভেলি আৰু দমন আৰু দিউ, লক্ষদ্বীপ, ত্রিপুৰা আৰু নগালেণ্ডত বর্তমান ক’ভিডত আক্রান্তৰ সংখ্যা শূন্য ।
ক’ভিড বুলেটিন অনুযায়ী, বিগত ২৪ ঘণ্টাত ক’ভিডত আক্রান্ত হৈ মৃতৰ সংখ্যা ১৩ । ইয়াৰ ভিতৰত কেৰালাত ক’ভিডত আক্রান্ত হৈ আঠজনৰ মৃত্যু হৈছে । ইয়াৰ উপৰি দিল্লী, পশ্চিমবংগ, জম্মু আৰু কাশ্মীৰ, মহাৰাষ্ট্র আৰু উত্তৰ প্রদেশত এজনকৈ প্রয়াত হৈছে ।
মঙলবাৰে ক’ভিডত আক্রান্ত হৈ মৃতৰ সংখ্যা আছিল ১৭ । পৰিসংখ্যা অনুযায়ী, ক’ভিডত আক্রান্ত হৈ ভাৰতত মৃতৰ সংখ্যা বাঢ়ি হৈছে পাঁচ লাখ ২৪ হেজাৰ ৯০৩ । বিগত ২৪ ঘণ্টাত দৈনিক সংক্রমণৰ হাৰ বাঢ়ি হ’ল ৩.৯৪ শতাংশ । মঙলবাৰে সংক্রমণৰ হাৰ আছিল ২.৫৫ শতাংশ । পৰিসংখ্যা অনুসৰি, সমগ্ৰ দেশত এই পর্যন্ত ১৯৬ কোটি ৪৫ লাখ ৯৯ হেজাৰ ৯০৬ টিকাকৰণ হৈছে ।