শ্রীলংকাৰ নতুন ৰাষ্ট্ৰপতি হিচাপে নিযুক্ত হ’ল ৰনিল বিক্রমসিংঘে । এমাহ পূৰ্বে তেওঁক দ্বীপৰাষ্ট্রৰ প্রধানমন্ত্রী নিৰ্বাচিত কৰিছিল দেশৰ তৎকালীন ৰাষ্ট্ৰপতি গোতাবায়া ৰাজাপক্ষই । সম্প্রতি তেওঁ পদত্যাগ কৰাত বিক্রমসিংঘেয়ে অস্থায়ী ৰাষ্ট্ৰপতি হিচাপেও দায়িত্ব পালন কৰিছিল । এইবাৰ তেওঁকেই শ্রীলংকাৰ ৰাষ্ট্ৰপতি হিচাপে নির্বাচিত কৰা হ’ল ।
বুধবাৰে শ্রীলংকাৰ ৰাষ্ট্ৰপতি নির্বাচন আছিল । ইয়াৰ পূৰ্বে শ্রীলংকাত ৰাষ্ট্ৰপতি নির্বাচনৰ নতুন নিয়ম জাৰি কৰা হয় । ৰাষ্ট্ৰপতি পদপ্রার্থী আৰু সেই সময়ৰ প্রধানমন্ত্রী বিক্রমসিংঘেৰ চৰকাৰে জনাই দিয়ে যে আগৰ দৰে জনসাধাৰণৰ সমর্থনত (পপুলাৰ ভোট) নহয়, দেশৰ সংসদৰ সদস্যসকলৰ ভোটতেই ২০ জুলাইত নির্বাচিত হ’ব পৰৱর্তী ৰাষ্ট্ৰপতি । সেই নিয়ম মানিয়ে জয়ী হ’ল বিক্রমসিংঘে ।
শ্রীলংকা ইউনাউটেড নেছনেল পার্টিৰ সদস্য ৭৩ বছৰীয়া ৰনিল বিক্রমসিংঘে । ২০২০ত শ্রীলংকাৰ সাধাৰণ নির্বাচনত জয়ী হৈ মাহিন্দা ৰাজাপক্ষে ক্ষমতা দখল কৰাৰ পূৰ্বে তেঁৱেই দ্বীপৰাষ্ট্রৰ প্রধানমন্ত্রী আছিল । শ্রীলংকাৰ ছবাৰৰ প্রধানমন্ত্রী তেওঁ ।
অৱশ্যে বিক্রমসিংঘে যে এই ৰাষ্ট্ৰপতি ভোটত জয়ী হ’ল হয়, সেয়া এক প্ৰকাৰে অনুমান কৰা হৈছিল । ২২৫ জনীয়া সদস্যৰ শ্রীলংকা সংসদত ৰাজাপক্ষেৰ দল এছএলপিপি-ৰ ১০০ জন সদস্যৰ অনেকেই প্রকাশ্যত বিক্রমসিংঘেক সমর্থনৰ কথা ঘোষণা কৰে । বৃহত্তম তামিল দল টিএনএ-ৰ ১০জন সদস্যৰ সমর্থনো তেওঁৰ লগতে আছিল । এনে পৰিস্থিতিত অন্য সৰু দল আৰু ৪৫ জন নির্দল সদস্যৰ সমর্থন নির্ণায়ক হ’ব বুলি অনুমান কৰিছিল ৰাজনৈতিক বিশ্লেষকসকলে । বুধবাৰৰ নিৰ্বাচনত বিক্রমসিংঘেৰ জয়ৰ পাছত অনুমান কৰা হৈছে, নির্দলীয় সমর্থন বিক্রমসিংঘেৰ পক্ষেতে আছে ।
যোৱা এপ্রিলৰ পৰা চৰম অর্থনৈতিক সমস্যাত জর্জৰিত শ্রীলংকাত ক্রমশ ক্ষোভ বাঢ়িছিল ৰাজাপক্ষেৰ বিৰুদ্ধে । জনসাধাৰণে এই চৰকাৰৰ বিৰুদ্ধে ৰাজপথত নামে । নতুন চৰকাৰ গঠনৰ দাবীও জনায় । ইয়াৰ মাজতেই বিগত মাহৰ ১২ মে’ত শ্রীলংকাৰ প্রধানমন্ত্রী পদত অধিষ্ঠিত হয় বিক্রমসিংঘে । তাৰ এমাহৰ ভিতৰতেই অৱশ্যে তেওঁৰ দায়িত্ব সলনি কৰা হয় ।
উল্লেখ্য, পলাতক গোতাবায়াই পদত্যাগ কৰাৰ পাছত ৰাষ্ট্ৰপতিৰ আসন দখলৰ যুঁজত বিক্রমসিংঘেৰ উপৰিও আছিল আৰু তিনিজন — সংসদৰ বিৰোধী দল নেতা তথা সমগি জন বলবেগয়া (এছজেবি)-ৰ প্রতিষ্ঠাতা-প্রধান ছাজিথ প্রেমদাসা, প্রবীণ সাংবাদিক তথা ৰাজাপক্ষৰ দল শ্রীলংকা পৰুজনা পেৰমুনা (এছএলপিপি)-ৰ সংসদ সদস্য ডলাস অলহাপেৰুমনা আৰু সিংহলী জাতীয়তাবাদী বামপন্থী দল জনতা বিমুক্তি পেৰামুনা (জেভিপি)-ৰ নেতা আনুৰা কুমাৰা দিছানায়েক ।
