দিল্লীৰ পাছত পঞ্জাৱ জয় কৰি এইবাৰ গুজৰাটৰ দিশে হাত আগবঢ়ালে আম আদমি পার্টিৰ প্রধান অৰবিন্দ কেজৰীৱালে । চলিত বছৰৰ শেষৰ ভাগতেই প্রধানমন্ত্রীৰ নৰেন্দ্র মোদীৰ ৰাজ্যত বিধানসভা নির্বাচন । তাৰ পূৰ্বে গুজৰাটবাসীক কেজৰীৰ প্রতিশ্রুতি দিলে ক্ষমতাত আহিলে তেওঁৰ চৰকাৰে বিনামূলীয়াকৈ ৩০০ ইউনিট বিদ্যুৎ দিব । গাঁও-চহৰ নির্বিশেষে দিয়া হ’ব ২৪ ঘণ্টা বিদ্যুৎ সেৱা ।
কিছু মাহ পূৰ্বে পঞ্জাৱ নিৰ্বাচনৰ আগতেও একেই প্রতিশ্রুতি দিছিল কেজৰীৱালে । বিনামূল্যে ৩০০ ইউনিট বিদ্যুৎ দিয়াৰ কথা দিছিল আপ প্রধানে । সেই প্রতিশ্রুতিত পঞ্জাৱত কাম হৈছিল । বিপুল ভোটত আপ প্রার্থীসকল জয়ী হৈছিল উত্তৰৰ ৰাজ্যত । পঞ্জাৱত আপ চৰকাৰ ক্ষমতাত আহি প্রতিশ্রুতি পালনৰ প্রক্রিয়া আৰম্ভ কৰিছে । গুজৰাটত কেজৰীৰ প্রতিশ্রুতি শুনি ৰাজনৈতিক মহলত প্রশ্ন উঠিছে, গুজৰাটতো জয়ৰ একেই সমীকৰণ ব্যৱহাৰ কৰিব বিচাৰিছে নেকি তেওঁ ! কিন্তু পঞ্জাৱত উন্নয়নৰ যি প্রতিশ্রুতি দিছিল, গুজৰাটতো সেয়াই কাৰ্যকৰী হ’ব নে ? অৱশ্যে কেজৰীৱালে কেৱল প্রতিশ্রুতিয়ে নিদিয়ে ।
বৃহস্পতিবাৰে ছুৰতত গৈছিল কেজৰীৱাল । দিল্লীৰ মুখ্যমন্ত্রীগৰাকীয়ে তাত বিদ্যুতৰ প্রতিশ্রুতিৰ লগতে ৩১ ডিচেম্বৰ পর্যন্ত সমস্ত দিবলগীয়া বিলত ৰেহাই দিয়াৰ কথা কৈছিল তেওঁ । মোদীৰ ৰাজ্যত তেওঁ কটাক্ষৰো সন্মুখীন হ’বলগীয়া হয় । সম্প্রতি বিনামূল্যে সামগ্ৰী দিয়াৰ বিনিময়ত ভোট বিচৰাক কটাক্ষ কৰিছিল প্ৰধানমন্ত্ৰী মোদীয়ে । এই অভ্যাসক টোপ দিয়া বুলিও সমালোচনা কৰে প্রধানমন্ত্রীয়ে ।
ছুৰতত প্ৰধানমন্ত্ৰী মোদীৰ সেই মন্তব্যৰ প্ৰত্যুত্তৰ দিয়ে মুখ্যমন্ত্ৰী কেজৰীৱালে কয়, ‘‘মই বিনামূল্যে সেৱা দিয়াৰ প্রতিশ্রুতি দিলেও সেয়া পালন কৰিছো । কিন্তু যিসকলে মোক ইয়াকে লৈ অপমানিত কৰিছে, তেওঁলোকে নিজৰ বাবে জন্য হেজাৰ কোটি টকা ব্যয় কৰি প্রাইভেট জেট কিনিছে । কেজৰীৱালে নিজৰ বাবে জেট বিমান কিনা নাই । তেওঁ দিল্লীৰ মহিলাসকলক বিনামূল্যে চৰকাৰী পৰিবহণত উঠাৰ ব্যৱস্থা কৰিছে । ইয়াতেই কেজৰীৱাল আৰু তেওঁলোকৰ মাজত পাৰ্থক্য ।’’
