দিল্লীৰ উপমুখ্যমন্ত্রী মণীশ ছিছ’ডিয়াৰ (Manish Sisodia) বাসগৃহত তালাচী অভিযান চলায় চিবিআই (CBI)য়ে । শুকুৰবাৰে পুৱা ৰাজধানী দিল্লী আৰু সংলগ্ন অঞ্চলৰ ২০টা স্থানত তালাচী চলাইছে কেন্দ্রীয় তদন্তকাৰী সংস্থাই । ইয়াৰ ভিতৰত অন্যতম ছিছ’ডিয়াৰ বাসগৃহ । তথ্য অনুসৰি, দিল্লী আবকাৰী নীতিত অনিয়মৰ অভিযোগত আৰম্ভ হোৱা তদন্তৰ বাবে এই তালাচী ।
মণীশ ছিছ’ডিয়াই টুইটাৰত লিখে, ‘চিবিআই আহিছে । তেওঁলোকক স্বাগত । মই অত্যন্ত সৎ । লক্ষাধিক শিশুৰ ভৱিষ্যৎ গঢ়িছো । এইটো অত্যন্ত দুর্ভাগ্যজনক যে, যিয়ে ভাল কাম কৰে তেওঁলোককেই এইদৰে বিৰক্ত কৰা হয় । সেয়ে আমাৰ দেশে এক নম্বৰ হ’ব পৰা নাই ।’
सीबीआई आई है. उनका स्वागत है. हम कट्टर ईमानदार हैं . लाखों बच्चों का भविष्य बना रहे हैं.
बहुत ही दुर्भाग्यपूर्ण है कि हमारे देश में जो अच्छा काम करता है उसे इसी तरह परेशान किया जाता है. इसीलिए हमारा देश अभी तक नम्बर-1 नहीं बन पाया.
— Manish Sisodia (@msisodia) August 19, 2022
চিবিআইক স্বাগত জনাইছে দিল্লীৰ মুখ্যমন্ত্রী আৰু আপৰ প্ৰধান অৰবিন্দ কেজৰিৱালেও । তেওঁ টুইটাৰত লিখে, ‘যিদিনাখন আমেৰিকাৰ সৰ্ববৃহৎ সংবাদপত্র ‘নিউইয়র্ক টাইমছ’ত দিল্লীৰ শিক্ষা মডেলৰ প্রশংসা আৰু মণীশ ছিছ’ডিয়াৰ ছবি প্রকাশিত হ’ল, সেইদিনাই মণীশৰ বাসগৃহত চিবিআই প্ৰেৰণ কৰা হ’ল । চিবিআইক স্বাগত । সম্পূর্ণ সহযোগিতা কৰা হ’ব । ইয়াৰ আগতেও বহু তদন্ত/ তালাচী হৈছে । একো পোৱা নাই । এইবাৰো একো নাপায় ।’
जिस दिन अमेरिका के सबसे बड़े अख़बार NYT के फ़्रंट पेज पर दिल्ली शिक्षा मॉडल की तारीफ़ और मनीष सिसोदिया की तस्वीर छपी, उसी दिन मनीष के घर केंद्र ने CBI भेजी
CBI का स्वागत है। पूरा cooperate करेंगे। पहले भी कई जाँच/रेड हुईं। कुछ नहीं निकला। अब भी कुछ नहीं निकलेगा https://t.co/oQXitimbYZ
— Arvind Kejriwal (@ArvindKejriwal) August 19, 2022
প্রসংগত, বিগত বছৰৰ নৱেম্বৰত কাৰ্যকৰ কৰা দিল্লী আবকাৰী নীতি প্রণয়ন আৰু কার্যকৰ কৰাৰ ক্ষেত্রত অনিয়মৰ অভিযোগ তুলিছে বিৰোধী পক্ষই । এই অভিযোগৰ ভিত্তিতেই চিবিআই-য়ে এফআইআৰ দাখিল কৰিছে । তদন্ত আৰম্ভ হোৱাৰ পাছতেই এইবাৰ বিভিন্ন স্থানত তালাচী অভিযান আৰম্ভ কৰিছে কেন্দ্রীয় তদন্তকাৰী সংস্থাই ।