দেশজুৰি কৰ’নাত দৈনিক আক্রান্তৰ সংখ্যা কমি চাৰি হেজাৰ হৈছে । কেন্দ্রীয় স্বাস্থ্য মন্ত্রণালয়ে দিয়া ক’ভিড বুলেটিন অনুযায়ী, বিগত ২৪ ঘণ্টাত কৰ’নাত দৈনিক সংক্রমিতৰ সংখ্যা ৪,৪১৭ । সোমবাৰে এই সংখ্যা আছিল ৫,৯১০ ।
ৰাজ্যভিত্তিক দৈনিক ক’ভিড সংক্রমণৰ শীর্ষত কেৰালা । বিগত ২৪ ঘণ্টাত কেৰালাত দৈনিক আক্রান্তৰ সংখ্যা ১,১৪২ । দৈনিক সংক্রমণৰ তালিকাত ইয়াৰ পাছতে আছে মহাৰাষ্ট্র (৫৪৯), কর্নাটক (৪৮৪), তামিলনাডু (৪৬৩) আৰু ওড়িছা (১৭৯) ।
কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, যোৱা ২৪ ঘণ্টাত ক’ভিডত আক্রান্ত হৈ ২৩ জনৰ মৃত্যু হৈছে । বিগত ২৪ ঘণ্টাত দিল্লীত চাৰিজন, মহাৰাষ্ট্রত তিনিজন, কেৰালা, পশ্চিমবংগ, হাৰিয়ানা, বিহাৰ আৰু কর্নাটকত দুজন ক’ভিডত আক্রান্ত হৈ মৃত্যু হৈছে ।
তদুপৰি ওড়িছা, উত্তৰ প্রদেশ, অসম, গোৱা, মেঘালয় আৰু ছিকিমত এজনকৈ লোকৰ মৃত্যু হৈছে । সোমবাৰে এই সংখ্যা আছিল ১৬ । দেশত এই পর্যন্ত পাঁচ লাখ ৩০ হেজাৰ ৫৮৮ জন লোক ক’ভিডত আক্রান্ত হৈ মৃত্যু হৈছে ।
পৰিসংখ্যা অনুযায়ী, যোৱা ২৪ ঘণ্টাত দেশৰ দৈনিক সংক্রমণৰ হাৰ কমি হ’ল ১.২০ শতাংশ । সোমবাৰে দৈনিক সংক্রমণৰ হাৰ আছিল ২.৬ শতাংশ ।
কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, বিগত ২৪ ঘণ্টাত ক’ভিড আক্ৰান্ত হৈ ৬,০৩২ জন সুস্থ হৈছে । দেশজুৰি সুস্থ হৈছে চাৰি কোটি ৩৮ লাখ ৮৬ হেজাৰ ৪৯৬ জন । বর্তমান সুস্থতাৰ হাৰ ৯৮.৬৯ শতাংশ ।