গৰু সুৰক্ষাৰ ক্ষেত্ৰত ৰাজ্য চৰকাৰ যিমানেই কঠোৰ নহওক কিয়, ৰাজ্যত কিন্তু এতিয়াও সক্ৰিয় হৈ আছে চোৰাং গৰুৰ সৰবৰাহ কৰা চক্ৰ ।
ADVERTISEMENT
আৰক্ষীৰ চকুত ধুলি দিবলৈ নিতৌ ন-ন কৌশল প্ৰয়োগ কৰি চোৰাং গৰু চক্ৰই সৰবৰাহ কৰি আহিছে গৰুৰ ৰমৰমীয়া ব্যৱসায় ।
কিছুদিন পূৰ্বে যাত্ৰীবাহী বাছত চোৰাং গৰু উদ্ধাৰ হোৱা ঘটনাৰ পিছতে কালি পুৱতি নিশা এখন নৈশ বাছত পুনৰ উদ্ধাৰ হৈছে ৩৪টাকৈ চোৰাং গৰু ।
খবৰ অনুসৰি, নগাঁৱৰ ‘ৰাঘৱ’ নামৰ নৈশ বাছখনত গৰু সৰবৰাহ কৰা তথ্য লাভ কৰাৰ পিছতেই মিছা আৰক্ষীয়ে অভিযান চলাই গৰুসহ বাছখন জব্দ কৰিবলৈ সক্ষম হয় ।
ইফালে আৰক্ষীৰ অভিযানৰ খবৰ পাই পথৰ কাষতে বাছখন ৰখাই গৰু চুৰি চক্ৰটো পলায়ন কৰে বুলি আৰক্ষীয়ে জানিবলৈ দিয়ে ।
উল্লেখযোগ্য যে, এ এচ ০১ ডিচি ৪৪৪২ নম্বৰৰ এই বাছখনত চুৰি চক্ৰটোৱে যাত্ৰীৰ আসন সমূহ আঁতৰাই এই ৩৪টাকৈ গৰু কঢ়িয়াই নিছিল ।
