Fish :
ৰঙীণ মাছৰ কথা ক’লেই আমাৰ মনলৈ আহে বিভিন্ন ৰূপকথাৰ কাহিনীবোৰলৈ । কিন্তু এইবাৰ ৰূপকথাৰ কাহিনী নহয় , বাস্তৱিকতে এনে এটা ৰঙীণ মাছৰ সন্ধান লাভ কৰিছে বিজ্ঞানীয়ে । এই সৰু মাছটোৰ গাত আছে ৰঙীণ উজ্জ্বল ৰং । আনকি ফিছাকেইখনতো আছে ৰঙীণ আভা । অকল ৰঙেই নহয় , এই মাছৰ বিশেষ এক বৈশিষ্ট্যই বিজ্ঞানী সকলকো আচৰিত কৰি তুলিছে ।
এই বিশেষ মাছটোৰ ওপৰত গৱেষণা কৰি বিজ্ঞানীসকলে পাইছে যে , এই মাছটোৰ বয়স বাঢ়ি যোৱাৰ লগে লগেই লিঙ্গ পৰিৱৰ্তন কৰে । অৰ্থাৎ নাৰীৰ পৰা পুৰুষলৈ পৰ্যবসিত হয় এই বিশেষ মাছটো ।
প্ৰাপ্ত তথ্য অনুসৰি , প্ৰায় তিনি বছৰ পূৰ্বে তাঞ্জানিয়াৰ জাঞ্জিবাৰ অঞ্চলত এই বিশেষ মাছৰ সন্ধান পোৱা গৈছিল । নাম ৰখা হৈছিল ‘ভাইব্ৰেনিয়াম ফেয়াৰি ৰাচে ।‘
সম্প্ৰতি মালদ্বীপত এই গোত্ৰৰ আৰু এটা প্ৰজাতিৰ মাছ পোৱা গৈছে । দেশখনৰ জাতীয় ফুলৰ লগত সামঞ্জস্য থকা বাবে এই মাছ বিধৰ নাম ৰখা হৈছে , ‘ৰোচ ভেইল্ড ফেয়াৰি ৰাচে।‘ সাধাৰণভাৱে এই মাছবিধৰ গাৰ ৰং বেঙুণীয়া হয় যদিও মালদ্বীপত পোৱা এই মাছবিধৰ ৰং কিন্তু গোলাপী ।
মাছ বিধৰ আৱিষ্কাৰ হোৱাৰ পিছতেই চেখানকাৰ মেৰিন ৰিচাৰ্ছ ইনষ্টিটিউটৰ বিজ্ঞানীয়ে না-না গৱেষণা আৰম্ভ কৰিছে । এই গৱেষণাত বিজ্ঞানী সকলে লাভ কৰিবলৈ সক্ষম হৈছে কিছু আচৰিত তথ্য । তথ্য অনুসৰি এই মাছবিধ জন্মৰ সময়ত স্ত্ৰীলিঙ্গ হয় যদিও বয়স বাঢ়ি যোৱাৰ লগে লগে লিঙ্গ পৰিৱৰ্তন হয় ।
অৰ্থাৎ এই মাছবিধ প্ৰাপ্তবয়স্ক হ’লেই পৰিণত পুৰুষ মাছলৈ । ইতিমধ্যে বিজ্ঞানীসকলে এই মাছৰ ডিএনএ পৰীক্ষা কৰি স্পষ্ট সিদ্ধান্ত দিবলৈ সক্ষম হৈছে যদিও কি কাৰণে লিঙ্গ পৰিৱৰ্তন হয় সেইবিষয়ে জানিবলৈ সক্ষম হোৱা নাই । অৱশ্যে ইয়াৰ কাৰণ বিচাৰি বিজ্ঞানী সকলে পুনৰ গৱেষণা আৰম্ভ কৰিছে । সাগৰৰ প্ৰায় ১৫০ ফুট গভীৰত বাস কৰা এই মাছবিধক লৈ বিজ্ঞানীসকলৰ উৎকণ্ঠাৰ অন্ত পৰা নাই । ইতিমধ্যে সাগৰৰ গভীৰত আৰু বহুতো অজনা প্ৰাণীৰ সম্ভেদ লাভ কৰিছে বিজ্ঞানী সকলে । বিজ্ঞানী সকলৰ দাবী যে , এই অজনা প্ৰাণীৰ প্ৰ কৃত তথ্য সম্ভেদ পালে আৰু অধিক আচম্বিত হ’ব মানুহ ।
