Honey Bee :
উৰিষ্যাৰ নবৰংপুৰ জিলাত সংঘটিত হৈছে এক ভয়ানক কাণ্ড । এজাক মৌ মাখিৰ আক্ৰমণত মৃত্যুক সাৱতিলে এজন যুৱকে ।
প্ৰাপ্ত তথ্য অনুসৰি উচুৰিপাদাৰ গাঁৱৰ বাসিন্দা যুধিষ্ঠিৰ আমানত্যই দেওবাৰে ধান কাটি চাইকেলেৰে ঘৰলৈ উভতি আহি থকাৰ সময়ত গাওঁখনৰ কাষৰ এখন অৰণ্যৰ মৌমাখিৰ এটা দলে হঠাতে তেওঁক আক্ৰমণ কৰিলে।
মানুহজনে মৌমাখিৰ আক্ৰমণৰ পৰা নিজকে বচাবলৈ যথাসাধ্য চেষ্টা কৰে । অৱশেষত, তেওঁ কেনেবাকৈ মৌমাখিৰ আক্ৰমণৰ পৰা পৰিত্ৰাণ পালে । মৌমাখিৰ কামোৰাৰ পাছত তেওঁ কেনেবাকৈ ঘৰলৈ উভতি আহে ।
ঘৰত উপস্থিত হোৱাৰ পাছত, পৰিয়ালৰ সদস্যসকলে তেওঁক চিকিৎসালয়ত ভৰ্তি কৰাৰ সিদ্ধান্ত লয়।
মৌমাখি কামোৰৰ ফলত ব্যক্তিজনৰ শাৰীৰিক অৱস্থা ক্ৰমান্বয়ে অৱনতি ঘটিছিল। স্বাস্থ্য কেন্দ্ৰলৈ যোৱাৰ পথত পৰিস্থিতিৰ অধিক অৱনতি ঘটে ।
তেওঁক স্বাস্থ্য কেন্দ্ৰলৈ লৈ যোৱা হয় আৰু তাত তেওঁক মৃত বুলি ঘোষণা কৰে । মৌমাখিৰ আক্ৰমণত মানুহজনৰ মৃত্যুৱে অঞ্চলটোত শোকৰ ছাঁ পেলাইছে।