Arvind Kejriwal :
প্ৰদূষণ নিয়ন্ত্ৰণৰ বাবে গুৰুত্বপূৰ্ণ পদক্ষেপ লোৱাৰ সিদ্ধান্ত লৈছে দিল্লীৰ আপ চৰকাৰে । সোমবাৰে দিল্লীৰ মুখ্যমন্ত্ৰী অৰবিন্দ কেজৰিৱালে জনাই যে ২০২৫ চনৰ ভিতৰত দিল্লীত চলিব ৮০ শতাংশ বৈদ্যুতিক বাছ ।
প্ৰদূষণ আৰু বায়ুৰ ঘনত্বৰ বাবে দিল্লীয়ে বাৰে বাৰে বাতৰিৰ শিৰোনাম দখল কৰিছে । কেজৰিৱালে কয় যে এই পদক্ষেপটো
কেজৰিৱালে জনাই যে দেশৰ ৰাজধানীত প্ৰদূষণৰ স্তৰ হ্ৰাস কৰাৰ লক্ষ্যৰে এই পদক্ষেপ লোৱা হৈছে ।
সোমবাৰে দিল্লীৰ ৰাজঘাট ডিপোত ৫০ খন বৈদ্যুতিক বাছৰ উদ্বোধনী অনুষ্ঠানত উপস্থিত আছিল কেজৰিৱাল । তাত তেওঁ কয় যে দিল্লী চৰকাৰে ২০২৩ চনৰ ভিতৰত ১,৫০০ খন আৰু ২০২৫ চনৰ ভিতৰত ৬,৩৮০ খন বৈদ্যুতিক বাছ ক্ৰয় কৰিব।
দিল্লীৰ মুখ্যমন্ত্ৰীগৰাকীয়ে জনায় ,”এতিয়া দিল্লীত ৩০০ খন বৈদ্যুতিক বাছ চলি আছে। কিন্তু দিল্লীত মুঠ ৬,৩৮০ খন চৰকাৰী বাছ চলাচল কৰে।
দীৰ্ঘদিন ধৰি কোনো নতুন বাছ ক্ৰয় কৰা হোৱা নাই।কিয় হোৱা নাই সেই বিষয়ে আমি বহুতো প্ৰশ্নৰ সন্মুখীন হ’ব লগা হৈছিল। “
দিল্লীত, চৰকাৰ আৰু চৰকাৰী সাহায্য প্ৰাপ্ত সংস্থাৰ সহায়ত ৭,৩৮৯ খন বাছ চলে। ইয়াৰ ভিতৰত, প্ৰায় চাৰি হেজাৰ বাছ দিল্লীৰ পৰিবহন নিগমৰ দ্বাৰা পৰিচালিত হয়।
কেজৰিৱালে কয় যে দিল্লী মেট্ৰ’ ৰেল নিগমে যাত্ৰীসকলৰ সুবিধাৰ বাবে প্ৰায় ১০০ খন চৰকাৰী বাছও চলাব। ২০২৫ চনলৈ, দিল্লীত ১০ হেজাৰ বাছৰ কমেও 80 শতাংশ বৈদ্যুতিক বাছ হ’ব।
তেওঁ লগতে কয় যে বৈদ্যুতিক বাছত জিপিএছ আৰু ৱাই-ফাই সেৱাও উপলব্ধ হ’ব।
