PM Modi :
গণতন্ত্ৰ দিৱসৰ ভাষণেই হওঁক বা সাংসদৰ ভাষণেই হওঁক, প্ৰধানমন্ত্ৰী নৰেন্দ্ৰ মোদীৰ পোছাকে বহুতৰে দৃষ্টি আকৰ্ষণ কৰে। মোদীৰ পোছাকৰ আটাইতকৈ গুৰুত্বপূৰ্ণ অংশটো হ’ল তেওঁৰ জেকেট।
এসময়ত, দেশৰ প্ৰাক্তন প্ৰধানমন্ত্ৰী জৱাহৰলাল নেহৰুক সকলো সময়তে স্লিভলেছ জেকেট পিন্ধা দেখা গৈছিল! বিশেষ ধৰণৰ সেই জেকেটটোৰ নাম হৈ পৰিছিল নেহৰু কোট !
এতিয়া, অৱশ্যে, চৌপাশে মোদী ! ৰাজনীতিৰ লগতে, ফেশ্বনৰ ক্ষেত্ৰতো মোদীৰ আধিপত্য স্পষ্ট হৈ পৰিছে । নেহৰু জেকেট নহয়, এতিয়া ফেশ্বন জগতত ‘ট্ৰেণ্ডিং’ মোদী কোট।
আঠ ফেব্ৰুৱাৰীত , নৰেন্দ্ৰ মোদীক নীলা জেকেট পিন্ধি সংসদলৈ অহা দেখা যায় । যদিও পোছাকটো একো আকৰ্ষণীয় যেন নালাগে, প্ৰকৃত আশ্চৰ্য ইয়াৰ উপাদানত লুকাই আছে।
প্ৰধানমন্ত্ৰীৰ আকাশী নীলা জেকেটটো পুনৰ ব্যৱহাৰ কৰা প্লাষ্টিকৰ দ্বাৰা নিৰ্মিত। বেংগালুৰুত ভাৰতৰ শক্তি সপ্তাহ কাৰ্যসূচীৰ উদ্বোধনী অনুষ্ঠানত ৰাজ্যিক মালিকানাধীন তেল প্ৰতিষ্ঠান ‘ইণ্ডিয়ান অইলে’ মোদীক এই কোটটো উপহাৰ হিচাপে দিয়ে । প্লাষ্টিকৰ জেকেট পিন্ধা মোদীৰ ফটোখন ভাইৰেল হোৱাৰ লগে লগে দেশবাসীয়ে জেকেটটো বিচাৰিবলৈ আৰম্ভ কৰে।
ফেশ্বন জগতত অতি চৰ্চিত হৈছে মোদীৰ এই নতুন জেকেট ! এই বিশেষ জেকেটটো তামিলনাডুৰ কাৰুৰস্থিত কোম্পানী ইক’লাইন ক্লথিংয়ে নিৰ্মাণ কৰিছে।
এই সন্দৰ্ভত ফেশ্বন কোম্পানীটোৰ মেনেজিং পাৰ্টনাৰ চেন্থিল শংকৰে কয়, “বহুলোকে আমাৰ পৰা এনে ধৰণৰ কোট অৰ্ডাৰ কৰিছে। আমি আঠ প্ৰকাৰৰ কাপোৰ তৈয়াৰ কৰোঁ। তাৰ মাজৰ পৰা নীলা ৰংটো বাছনি কৰা হয়। মূলতঃ, কাপোৰটো বিভিন্ন প্ৰকাৰৰ বটল সংগ্ৰহ কৰি আৰু সেইবোৰ গলাই আৰু এক বিশেষ প্ৰকাৰৰ সূতা তৈয়াৰ কৰি ৰঙৰ স’তে মিহলি কৰি তৈয়াৰ কৰা হয়। ”
দেশৰ প্ৰধানমন্ত্ৰীক এতিয়া দেশবাসীৰ ফেশ্বন আইকন বুলি কোৱাটো ভুল নহ’ব। তেওঁৰ নতুন লুক এতিয়া দেশবাসীৰ অতি পছন্দ হৈ পৰিছে ! ইক’লাইন কাপোৰৰ ৱেবছাইটত এনে জেকেটৰ মূল্য প্ৰায় দুহেজাৰ টকা ।
