Assam State Bjp:
লোকসভা নিৰ্বাচনৰ পৰিপ্ৰেক্ষিতত সভাপতি সলনি নহ’লেও ৰাজ্যিক বিজেপিৰ সাংগঠনিক তথা ৰাজ্যিক সমিতিত ব্যাপক সাল-সলনি আসন্ন। এই সাল-সলনিৰ জৰিয়তে দলৰ দায়িত্বৰ পৰা অব্যাহতি দি একাংশ নেতাক নির্বাচনী কাম-কাজত সম্পূৰ্ণৰূপে নিয়োজিত কৰা হ’ব। আন একাংশক সলনি কৰা হ’ব দায়িত্ব পালনত প্ৰদৰ্শন কৰা দুৰ্বলতাৰ বাবে।
আকৌ একাংশক আঁতৰ কৰা হ’ব দায়িত্বত থাকিও দলৰ হৈ কোনো কাম নকৰি ব্যক্তিগত স্বাৰ্থ পূৰণত ব্যস্ত থকা বাবে। এই সাল-সলনি উপ- সভাপতি, সাধাৰণ সম্পাদকৰ দৰে গুৰুত্বপূৰ্ণ পদ পৰা আৰম্ভ কৰি তলৰ পৰ্যায়লৈকে কৰা হ’ব। কেন্দ্রীয় নেতৃত্বৰ নিৰ্দেশ মৰ্মে এই সাল-সলনিৰ প্ৰক্ৰিয়া আৰম্ভ কৰাৰ মূলতে হ’ল নির্বাচনকেন্দ্রিক তৎপৰতাক গতি প্ৰদান কৰা।
বিজেপিৰ শীৰ্ষ সূত্ৰই সদৰী কৰা অনুসৰি, সভাপতি আৰু সাংগঠনিক সাধাৰ ণ সম্পাদক পদ দুটাতো নতুন নিযুক্তিৰ প্ৰক্ৰিয়া প্ৰথমতে আৰম্ভ হৈছিল; কিন্তু নির্বাচনলৈ মাজত এবছৰো নথকাত বিশেষকৈ সভাপতি সলনি নকৰিবলৈ সিদ্ধান্ত লোৱা হয়। তাৰ পৰিবৰ্তে ৰাজ্যিক সমিতিখনত সাল-সলনি কৰিব বিচৰা হৈছে।
নতুন সমিতিখন যাতে অভিজ্ঞ আৰু কৰ্ম তৎপৰ নেতা-কৰ্মীৰ দ্বাৰা গঠন কৰা হয়, সেই বিষয়ে কেন্দ্রীয় নেতৃত্বই দলৰ অসমৰ শীর্ষ নেতাসকলক একাধিকবাৰ সতৰ্ক কৰি দিছে। নির্বাচনত ৰাজ্যিক সমিতিৰ ভূমিকা ব্যাখ্যাতীতভাবে গুৰুত্বপূর্ণ। আসন্ন লোকসভা নির্বাচনটো বিজেপিৰ বাবে হ’ব অত্যন্ত প্রত্যাহ্বানপূর্ণ।
সেই প্রত্যাহান নেওচি দলে পুনৰ দেশ শাসনৰ দায়িত্বলৈ অহাৰ লক্ষ্য লৈছে। ইয়াৰ বাবে ক’তো সুৰুত্তা নথকা ৰণনীতিৰে আগবঢ়াৰ কৌশল গ্রহণ কৰা হৈছে। সুৰুঙা আঁতৰোৱাৰ ক্ষেত্ৰত ৰাজ্যিক সমিতিবোৰকো লক্ষ্য কৰি লৈছে কেন্দ্রীয় নেতৃত্বই। শীর্ষ সুত্ৰটোৱে উল্লেখ কৰে যে অসমৰ ৰাজ্যিক সমিতিখনত দায়িত্বৰ পৰা আঁতৰি ফুৰিব বিচৰা দলৰ দায়িত্ব সঠিকভাৱে পালন নকৰা নেতাৰ ভিৰ যথেষ্ট বেছি।
তাৰ বিপৰীতে একাংশ নেতাই অতিৰিক্ত দায়িত্বও পালন কৰি আহিছে। দায়িত্ব পালন যাতে সৰ্বস্তৰত হয় তাৰ ওপৰত মূল গুৰুত্ব দি সমিতি গঠন কৰিবলৈ কেন্দ্রীয় নেতৃত্বই নির্দেশ দিছে। অৱশ্যে কেন্দ্রীয় নেতৃত্বৰ এই নির্দেশনা অসমত কিমান দুৰ কাৰ্যকৰী হ’ব সেয়া সময়েছে স্পষ্ট কৰিব। কাৰণ সমিতি সাল-সলনিৰ প্ৰসংগ উত্থাপিত হোৱাৰ লগে লগে নেতা পালিনেতাৰ ভিৰো বাঢ়িছে।
নিৰ্বাচনৰ দায়িত্বত সম্পূৰ্ণৰূপে নিয়োজিত কৰিব বিচৰা নেতাৰ ভিতৰত নাম চৰ্চালৈ আহিছে সাধাৰণ সম্পাদক দিল্লুৰঞ্জন শর্মা, উপ-সভাপতি পুলক গোহাঁই আদিৰ। সাধাৰণ সম্পাদকৰ দৰে অতি গুৰুত্বপূৰ্ণ পদৰ পৰা আঁতৰাই দিপুৰঞ্জন শৰ্মাক কলিয়াবৰ লোকসভা সমষ্টিৰ কামত নিয়োগ কৰিব বিচৰা হৈছে। তেনেদৰে পুলক গোহাঁইক ডিব্ৰুগড় লোকসভা সমষ্টিত বিশেষ দায়িত্ব অৰ্পণৰ চৰ্চা চলিছে। এয়া মাত্র দুটা উদাহৰণ। এনেদৰে অতি গুৰুত্বপূর্ণ পদবীত থকা কেবাজনো নেতাক নিৰ্বাচনৰ বিশেষ দায়িত্ব দিব বিচৰা হৈছে।
প্রসংগক্রমে উল্লেখ্য যে বিজেপিয়ে প্রত্যাহ্বানৰ মাজতো এইবাৰ কংগ্ৰেছৰ দখলত থকা কলিয়াবৰ, নগাঁও, বৰপেটা লোকসভা সমষ্টি দখলৰ অংকৰে নির্বাচনী ৰণক্ষেত্রত ইতিমধ্যে জঁপিয়াই পৰিছে।
সেয়েহে এই তিনিটা সমষ্টিত দলৰ বিশেষ সক্ৰিয়া বুলি পৰিচয় থকা কেবাজনো নেতাক বিশেষ বিশেষ দায়িত্ব প্ৰদানৰ বিষয়ে চৰ্চা কৰিছে। দলীয় সূত্ৰটোৱে জনায় যে ৰাজ্যিক কমিটিত তেনে সক্রিয় কেবাজনো নেতা আছে। তেওঁলোকক দলৰ পদবীৰ পৰা আঁতৰাই সম্পূর্ণৰূপে নির্বাচনৰ দায়িত্ব দিয়া হ’ব।
