Iron Girl Lovlina Borgohain Present in Guwahati:
সদ্য সমাপ্ত চীনৰ হাংঝৌ এছিয়ান গেমছত ৰূপ পদক লাভ কৰে গৃহৰাজ্যলৈ উভতিল বক্সিং খেলুৱৈ লাভলীনা বৰগোহাঁই।
বুধবাৰে পুৱা গুৱাহাটী বৰঝাৰস্থিত এল জি বি বিমান বন্দৰত উপস্থিত হোৱাৰ পাছতে লৌহকন্যা গৰাকীক অসম অলিম্পিক সন্থাৰ বিষয়ববীয়াৰ লগতে অসম চৰকাৰৰ কে’বাজনো প্ৰশাসনিক বিষয়াই উস্ম আদৰণি জনায়।
ইয়াৰ পাছতে ক্ৰীড়া তাৰকা গৰাকীয়ে মহানগৰ অভিমুখে গৈ থকাৰ পথত নীলাচল পাহাৰত উপস্থিত হৈ মা কামাখ্যাৰ আশিষ লয় ৷
প্ৰাপ্ত খবৰ অনুসৰি লৌহকন্যা গৰাকীক অসম অলিম্পিক সন্থাই এক গাম্ভীৰ্যপূৰ্ণ অনুষ্ঠানত বিপুলভাৱে সম্বৰ্ধনা জনোৱাৰ কথা ৷
আনহাতে অলিম্পিক সন্থাৰ আতিথ্য গ্ৰহণ কৰি লাভলীনা নিজৰ সৰুপথাৰস্থিত বাসগৃহত উপস্থিত হৈ কেইদিনমান জিৰণি লৈ ইয়াৰ পাছতে তাৰকা খেলুৱৈগৰাকী পুনৰ নামি পৰিব পেৰিছ অলিম্পিকৰ প্ৰস্তুতিত।