Miscreants Break Car Glass And Loot Over Rs 3 Lakh:
অপৰাধীৰ ৰম্যভূমিত পৰিণত হৈছে গুৱাহাটী । মহানগৰীৰ মাজমজিয়াৰ সদাব্যস্ত হেঙেৰাবাৰী- বৰবাৰী পথৰ কাষৰ পাকিঙত ৰখাই থোৱা বাহনৰ গ্লাছ ভাঙি দুৰ্বৃত্তই লুট কৰি নিয়ে ৩ লক্ষাধিক টকা ৷
ADVERTISEMENT
প্ৰাপ্ত খবৰ অনুসৰি ,স্মাৰ্ট আৰক্ষীয়ে গিজগিজাই থকা গণেশগুৰি পৰা মাত্ৰ এক কিলোমিটাৰৰ নিলগত থকা হেঙেৰাবাৰী- বৰবাৰী পথৰ কাষৰ পাকিঙত বৃহস্পতিবাৰে দুপৰীয়াভাগত কমল কৃষ্ণ নাথ নামৰ লোকজনে তেওঁৰ এএছ০১-টিডি ৪৯৪৯ নম্বৰৰ ফৰছুনাৰ বাহন খন ৰখাই কিবা কামত ওলাই যায় ৷
কিছু সময়ৰ পাছত আহি দেখা পাই যে তেওঁৰ বাহন খনৰ খিৰিকীৰ গ্লাছ ভঙা আৰু চিটত থোৱা টকা ভৰ্তি বেগটো নেদেখি কিংকৰ্তব্যবিমূঢ় হৈ পৰে । অৰ্থাৎ দুৰ্বৃত্তই বাহন খনৰ গ্লাছ ভাঙি ইতিমধ্যে লুট কৰি নিয়ে ধন ৷
পাছত ভুক্তভোগী কমল কৃষ্ণ নাথে ধন লুটৰ সন্দৰ্ভত এখন এজাহাৰ দাখিল কৰে দিছপুৰ থানাত ৷
