Guwahati:মহানগৰীৰ গনেশগুৰিত নিশা ৰাজপথত আমোলাৰ পুত্ৰৰ দাদাগিৰি

Guwahati:

গুৱাহাটী মহানগৰীত নিশা হ’লেও একাংশ যুৱক- যুৱতীয়ে সুৰামত্ত হৈ চৰম উদ্ভণ্ডালি কৰা কাৰ্য এতিয়া নিত্যনৈমিত্তিক হৈ পৰিছে। আৰক্ষীয়ে নিয়মীয়া টহল দি এই ক্ষেত্ৰত পদক্ষেপ লৈ আহিছে যদিও ধনীৰ দুলালীৰ অতপালি ৰোধ কৰিব পৰা নাই ৷

বৃহস্পতিবাৰে নিশা সদাব্যস্ত গণেশগুৰিৰ ৰাজপথত প্ৰাক্তন আমোলাৰ পুত্ৰৰ দাদাগিৰি। গোলাঘাটৰ তদানীন্তন আয়ুক্ত বিভাষ মোদীৰ পুত্ৰ বাদিক মোদীয়ে পিষ্টল-বাউঞ্চাৰ লৈ ৰাজপথত নিশা গুণ্ডাগিৰি কৰে ৷ অৱশ্যে লগে লগে দিছপুৰ আৰক্ষীৰ দল উপস্থিত হৈ বাদিক মোদী সহ আন ৫জন উদণ্ড যুৱক ক্ৰমে জিতু বৰ্মন ,টানিছা সর্বা,দিগন্ত হালৈ, ৱাছিম আখতাৰ আৰু অমিত ভূমিকক আটক কৰে ৷ লগতে জব্দ কৰে বাদিক মোদীৰ ৰিভলভাৰটো ৷