Assam Police Jawan On Election Duty In Mizoram Goes Missing:
মিজোৰাম বিধানসভা নিৰ্বাচনত নিৰাপত্তা দায়িত্বত নিয়োজিত অসম আৰক্ষীৰ জোৱান সন্ধানহীন ৷
নগাঁৱৰ বঢ়মপুৰস্থ অসম আৰক্ষীৰ নৱম বেটেলিয়নৰ কনিষ্টবল চবিন নাথ দেওবাৰে মিজোৰামৰ চাইটুৱালৰ এনগোপা মিডিল স্কুলৰ পৰা এনগোপা গাঁৱলৈ নিৰ্বাচনৰ নিৰাপত্তাৰক্ষী হিচাপে যোৱাৰ পাছৰে পৰা সন্ধানহীন হৈ আছে ৷
সন্ধানহীন চবিন নাথৰ ঘৰ নগাঁও জিলাৰ চামগুৰিত ৷ ইতিমধ্যে সন্ধানহীন হোৱাৰ খবৰ লাভ কৰাৰ পাছতে বঢ়মপুৰস্থ অসম আৰক্ষীৰ নৱম বেটেলিয়নৰ কৰ্তৃপক্ষই যোগযোগ অব্যাহত ৰাখিছে মিজোৰাম আৰক্ষী হেড কোৱাৰ্টাৰৰ স’তে ৷
চুবুৰীয়া ৰাজ্যৰ নিৰ্বাচনত নিৰাপত্তাৰ দায়িত্বত নিয়োজিত হৈ থকাৰ সময়ত অসম আৰক্ষী জোৱান নিখোজক লৈ তীব্ৰ চাঞ্চল্যৰ সৃষ্টি হয় ৷