APCC PEC Meeting In Hotel Lily:
লোকসভা নিৰ্বাচনলৈ মাজত মাত্ৰ দুটা মাহ থকা অৱস্থাত কংগ্ৰেছ সহ বিৰোধী দল সমূহৰ উমৈহতীয়া মঞ্চ ব্যাপক তৎপৰতা আৰম্ভ কৰিছে ৷ বিৰোধী দল সমূহৰ স’তে আসন বুজাপৰাৰ পূৰ্বে প্ৰদেশ কংগ্ৰেছে নিজ দলৰ প্ৰাৰ্থী তালিকা চুড়ান্ত কৰাৰ বাবে ব্যাপক কুজকাৱাজ চলাইছে ৷
সোমবাৰে হোটেল লিলিত এপিচিচিৰ নিৰ্বাচনী কমিটি {পিইচি} ৰ গুৰুত্বপূৰ্ণ বৈঠক ভূপেন বৰাৰ পৌৰোহিত্যত অনুষ্ঠিত হয় । বৈঠকত প্ৰতিটো সমষ্টিৰ বাবে প্ৰস্তুত কৰা হয় তিনিজনীয়া প্ৰাৰ্থিত্ব প্রত্যাশীৰ তালিকা ৷ উল্লেখ্য যে, প্ৰাৰ্থিত্বৰ বাবে ৭৯ গৰাকীয়ে দাখিল কৰিছিল মনোনয়ন ৷
হোটেল লিলিত বহা পিইচিৰ সভাই চুড়ান্ত প্ৰাৰ্থী তালিকা প্ৰস্তুতৰ বাবে কতৃত্ব দিয়ে এপিচিচিৰ সভাপতি ভূপেন বৰা আৰু বিৰোধী দলপতি দেবব্ৰত শইকীয়াক ৷দুয়োজন নেতাই কংগ্ৰেছৰ ব্লক কংগ্ৰেছৰ সভাপতি সকলৰ স’তে মতবিনিময় কৰি স্ক্ৰীণিং পেনেলে চূড়ান্ত কৰিব ১৪ জন প্ৰাৰ্থীৰ নাম ৷ তাৰ পাছত প্ৰাৰ্থিত্ব প্রত্যাশীৰ তালিকা চুড়ান্ত কৰি অনুমোদনৰ বাবে প্ৰেৰণ কৰিব কংগ্ৰেছ হাইকামাণ্ডলৈ ৷
পিইচিৰ সভাখনত প্ৰাক্তন কেন্দ্ৰীয় মন্ত্ৰী পৱন সিং ঘাটোৱাৰ, জ্যেষ্ঠ বিধায়ক ৰকিবুল হুছেইন,সাংসদদ্বয় প্ৰদ্যুত বৰদলৈ,আব্দুল খালেকএপিচিচিৰ কাৰ্যকৰী সভাপতিদ্বয় ৰাণা গোস্বামী,জাকিৰ হুছেইন শিকদাৰ সহ কে’বা গৰাকী বিধায়ক আৰু জ্যেষ্ঠ নেতাই ৷
