Delhi KMM Moment:
দেশৰ ৰাজধানী চহৰ দিল্লী এতিয়া অভেদ্য দুৰ্গত পৰিণত ৷ MSP বৃদ্ধিৰ দাবীত ২৫০ টা কৃষক সংগঠনৰ উমৈহতীয়া মঞ্চ KMM সংযুক্ত কিষাণ মৰ্চাৰ (SKM) উদ্যোগত বৃহৎ প্রতিবাদ ৷ ১৫০টা কৃষক সংগঠনৰ উমৈহতীয়া মঞ্চ SKM দিল্লীলৈ মাজনিশাৰ পৰা দিল্লী অভিমুখে অব্যাহত থকা লক্ষাধিক পদযাত্রী কৃষকক ৰুধিবলৈ দিল্লী সীমান্তত কে’ বা সহস্ৰাধিক নিৰাপত্তাৰক্ষী মোতায়েন কৰা হৈছে ৷ বৃহৎ বৃহৎ কংক্রীট বেৰিকেড আৰু ৰাজপথত গজাল পুটি টেক্টৰ আনিব নোৱাৰাকৈ দিল্লী আৰক্ষীয়ে কটকটীয়া নিৰাপত্তা বেহু গঢ়ি তুলিছে ৷
যোৱাকালি কৃষকৰ দীৰ্ঘদিনীয়া দাবী MSP বৃদ্ধিৰ দাবীত চণ্ডীগড়ত কেন্দ্রীয় মন্ত্রী মণ্ডলৰে গুৰুত্বপূর্ণ বৈঠক অনুষ্ঠিত হৈাল ২৫০টা কৃষক সংগঠনৰ উমৈহতীয়া মঞ্চ কিষাণ মজদুৰ মৰ্চাৰ নেতৃবৰ্গৰে ৷
কিন্ত কোনো সমাধান সূত্ৰ নোলোৱাত ক্ষুব্ধ কৃষক সকলে দ্বিতীয়বাৰৰ বাবে কৃষক বিদ্ৰোহ কৰিবলৈ অংগীকাৰবদ্ধ হয় ৷ আনহাতে কেন্দ্ৰৰে আলোচনা ব্যৰ্থ হোৱাৰ পিছতে প্ৰতিবাদী কৃষক সংগঠন সমূহে ১৬ ফেব্ৰুৱাৰীতো ভাৰত বন্ধৰ আহ্বান জনাইছে ৷
আনহাতে প্ৰতিবাদী কৃষক সংগঠন সমূহৰ প্ৰতি দিল্লীৰ আপ চৰকাৰে মুকলি সমৰ্থন আগবঢ়াইছে ৷ উল্লেখ্য যে,দিল্লী – হাৰিয়ানা সীমান্তৰ এখন ষ্টেডিয়ামক দিল্লী পুলিচে অস্থায়ী কাৰাগাৰৰ বাবে আপ চৰকাৰৰ পৰা অনুমতি বিচাৰিছিল যদিও চৰকাৰে নিদিলে কোনো অনুমতি ৷ এই সন্দৰ্ভত আপ চৰকাৰৰ এজন মুখপাত্ৰই কয়,কৃষক সকলে গণতান্ত্ৰিকভাৱে নিজৰ প্ৰাপ্ত অধিকাৰৰ বাবে দিল্লী আহিবলৈ বিচৰাটোক কেন্দ্ৰই কিয় বাধাৰোপ কৰিব লাগে।
উল্লেখ্য যে,আগন্তুক লোকসভা নিৰ্বাচনৰ পূৰ্বে বিজে পি নেতৃত্বাধীন এন ডি এ চৰকাৰক বিপদত পেলাবৰ বাবে কৃষক সংগঠন কেইটাই দ্বিতীয়বাৰৰ বাবে আন্দোলন ঘোষণা কৰিছিল ৷
এনে প্ৰেক্ষাপটত কৃষক আন্দোলনৰ এই যুদ্ধংদেহী স্থিতিয়ে আগন্তুক নিৰ্বাচনত বিজেপিৰ বাবে আৰ্শীবাদ নে অভিশাপ সেইয়া অনাগত দিন কেইটাত লক্ষণীয় হ’ব ৷