Guwahati High Court Judgement On SPO:
হঠাতে চাকৰি হেৰুৱা সাত শতাধিক স্পেচিয়েল পুলিচ অফিচাৰক(SPO) আৰু হোম গাৰ্ডকলৈ গুৱাহাটী উচ্চ ন্যায়ালয়ৰ ৰায়দান ৷ কৰ্মৰত অৱস্থাতে হঠাতে চাকৰি হেৰুৱা সাত শতাধিক এছপিঅ’পৰিয়ালৰ বাবে আশাব্যঞ্জক খবৰ ৷
নিযুক্তি হেৰুৱা সাত শতাধিক SPO ক পুনৰ নিযুক্তিৰ সন্দৰ্ভত পুনৰ বিবেচনা কৰিবলৈ ৰাজ্য চৰকাৰক নিৰ্দেশ দিয়ে উচ্চ ন্যায়ালয়ে ৷
একেদৰে এছপিঅ’ সকলক অসম ঔদ্যোগিক সুৰক্ষা বাহিনীৰ কনিষ্টবল পদত নিযুক্তিৰ ক্ষেত্ৰত যাবতীয় পদক্ষেপ ল’বলৈকো চৰকাৰৰ নিৰ্দেশ প্ৰদান ন্যায়ালয়ৰ।
উল্লেখ্য যে, এছপিঅ ‘ হিচাপে নিয়োজিত হৈ থকাৰ মাজতে হঠাতে তেওঁলোকক চাকৰিৰ পৰা বিদায় দিয়ে ৰাজ্য চৰকাৰে ৷ চৰকাৰৰ এই সিদ্ধান্তৰ বিৰুদ্ধে এছপিঅ সকলে সময়ে বিভিন্ন আন্দোলনৰ কাৰ্যসূচী ৰূপায়ণ কৰি আহিছিল যদিও চৰকাৰৰ কোনো ইতিবাচক সহাৰি লাভ নকৰি অৱশেষত দ্বাৰস্থ হয় গুৱাহাটী উচ্চ ন্যায়ালয়ৰ ৷
অৱশেষত তেওঁলোকৰ সপক্ষে ৰায়দান দিয়ে ন্যায়ালয়ে ৷ এই ৰায়দানে হাঁহি বিৰিঙালে এছপিঅ’ পৰিয়াললৈ ৷