Anant gave a watch worth Rs 1.5 crore to VIP guests at the wedding:
দেশৰ আগশাৰীৰ উদ্যোগপতি তথা এছিয়াৰ সবাতোকৈ ধনাঢ্য ব্যক্তি মুকেশ আম্বানীৰ কনিষ্ঠ পুত্ৰ অনন্ত আম্বানীৰ অতি আড়ম্বৰপূৰ্ণ বিবাহ শুকুৰবাৰে আনুষ্ঠানিকভাবে সম্পন্ন হ’ল। অনন্তৰ এই বিবাহত যথেষ্ট সংখ্যক ভিভিআইপি অতিথিয়ে অংশ লৈছিল। প্রধানমন্ত্রী নৰেন্দ্ৰ মোদীৰ পৰা আৰম্ভ কৰি বলিউডৰ আগশাৰীৰ বহু তাৰকাই এই বিবাহত অতিথি হিচাপে অংশগ্রহণ কৰিছিল।
অনন্তই বিবাহত অংশ লোৱা একাংশ ভিভিআইপি অতিথিক ‘ৰিটাৰ্ণ গিফট’ হিচাপে আগবঢ়ালে বহুমূলীয়া ঘড়ী। প্রকাশিত বাতৰি অনুসৰি, আম্বানী পুত্ৰই তেওঁৰ কে’বাজনো অতি ঘনিষ্ঠ বন্ধুক বিবাহ উপলক্ষে একোটাকৈ বিলাসী ঘড়ী উপহাৰ দিছিল আৰু এই ঘড়ীৰ মূল্য আছিল ১.৫ কোটি টকা।
অনন্তই বিশিষ্ট অতিথিক উপহাৰ দিছিল অ’ডেমৰ্ছ পিগুৱেট ব্ৰেণ্ডৰ বিলাসী ঘড়ী। বলিউড তাৰকা শ্বাহৰুখ খানসহ আন কে’বাজনো বিশিষ্ট অতিথিক অনন্তই ৰিটাৰ্ণ গিফট হিচাপে এই মূল্যবান ঘড়ী উপহাৰ দিছিল।
