Police station attack in Nagaon:
নগাঁও চহৰৰ মাজমজিয়াত চাঞ্চল্যকৰ ঘটনা। আৰক্ষী চকী আক্ৰমণ কৰি উলিয়াই নিলে আটকাধীন চোৰক।
ADVERTISEMENT
উল্লেখ্য যে ডিমৰুগুৰি ইকাৰ্টৰ কাৰ্যালয়ৰ পৰা মানসজ্যোতি হাজৰিকা নামৰ চোৰটোৱে চুৰ কৰিছিল এটা ম’বাইল ৷ এই সন্দৰ্ভত ইকাৰ্টৰ পৰা ইটাচালী নগৰ আৰক্ষী চকীত দিয়া হৈছিল গোচৰ ৷ অৱশেষত চোৰটো পৰে আৰক্ষী জালত ৷
আৰক্ষী চকীত মানসজ্যোতি হাজৰিকা নামৰ চোৰটোক আটক কৰাৰ পিছত আজি তিনিগৰাকী মহিলা আৰক্ষী থানাত উপস্থিত হৈ চোৰটোক মোকোলাই দিয়াৰ দাবীত আৰক্ষীৰ স’তে লিপ্ত হয় তৰ্কবিতৰ্কত ৷
ইয়াৰ পিছত হঠাতে তৰ্কবিতৰ্কত লিপ্ত হোৱা মহিলা তিনি গৰাকীয়ে কতৰ্ব্যৰত মহিলা আৰক্ষী ৰীনা বাছাক শাৰিৰীকভাৱে প্ৰহাৰ কৰি বলপূৰ্বকভাৱে চোৰটোক লৈ উধাও হয় ৷ এই ঘটনাও সমগ্ৰ জিলা খনতে তীব্ৰ প্ৰতিক্ৰিয়াৰ সৃষ্টি হয় ৷
ইতিমধ্যে আৰক্ষীয়ে পলাতক চোৰ আৰু আক্ৰমণকাৰী মহিলা তিনি গৰাকীৰ সন্ধানত আৰম্ভ কৰিছে অভিযান।