Nomination Filed Tanjil Hussain:
কে’বা সহস্ৰাধিক সমৰ্থকক লগত লৈ বৃহস্পতিবাৰে মনোনয়ন দাখিল কৰিলে কংগ্ৰেছ সাংসদ ৰকিবুল হুছেইনৰ তনয় তাঞ্জিল হুছেইনে । এপিচিচিৰ সভাপতি সভাপতি ভূপেন বৰা, বিৰোধী দলপতি দেবব্ৰত শইকীয়া,সাংসদ ৰকিবুল হুছেইন,প্ৰদ্যুৎ বৰদলৈ,গৌৰৱ গগৈ ,বিধায়ক ৰেকিবুদ্দিন আহমেদ,শিৱামণি বৰা, ৱাজেদ আলী চৌধুৰী,নুৰুল হুদা, ভাস্কৰ বৰুৱা ,ৰিপুণ বৰা সহ কেবা গৰাকী কংগ্ৰেছ নেতা-কৰ্মীৰে এক বিশাল সমদল কৰি কাৰ্যত শক্তি প্ৰদৰ্শন কৰিলে কংগ্ৰেছে।
বৰাই কয় যে, এক ৰাজনৈতিক ইতিহাস থকা ঘৰৰ উদীয়মান যুৱক তাঞ্জিল হুছেইন এজন যোগ্য প্ৰাৰ্থী। পিতৃৰ স’তে ছাঁৰ দৰে থাকি দীৰ্ঘদিন ধৰি চামগুৰিৰ উন্নয়নত অগ্ৰাধিকাৰ দিয়াৰ লগতে চামগুৰিবাসীৰ লগত একাত্ম হৈ আছিল ৷ যাৰ ফলস্বৰূপে আজি দলে তেওঁৰ দৰে যোগ্যজনক প্ৰাৰ্থীত্ব দিছে ৷ বিপুল ভোটৰ ব্যৱধানত পৰাভূত হ’ব বিজেপি প্ৰাৰ্থী গৰাকী ৷
আজিও মনোনয়ন দাখিল কৰাৰ সময়তো চামগুৰিত বিজেপি কৰ্মীয়ে কংগ্ৰেছ কৰ্মীৰ স’তে খণ্ডযুদ্ধত লিপ্ত হৈছে। ইয়াৰ প্ৰত্যুত্তৰ পাব ১৩ নৱেম্বৰত৷ চামগুৰিবাসীয়ে বিজেপিৰ বিৰুদ্ধে সময়োচিত জবাব দিব বুলি মন্তব্য কৰে কংগ্ৰেছ প্ৰাৰ্থী গৰাকীয়ে ৷