Nalbari Sudhakantha Bhupen Hazarika Death Anniversary:
নলবাৰী জিলাৰ বৰক্ষেত্ৰী বিধানসভা সমষ্টিৰ অন্তৰ্গত সানেকুছি আৰু দেহাৰকুছি গাওঁ পঞ্চায়তৰ ৰাইজৰ সহযোগত কালি সন্ধিয়া কলবাৰী বৰিতোলা চ’কত সুধাকণ্ঠ ড:ভূপেন হাজৰিকাক সশ্ৰদ্ধ স্মৰণ কৰে ৷ তদুপলক্ষে সন্ধিয়া মঞ্চ উদ্বোধন কৰে সানেকুছি ৰাজ্যিক চিকিৎসালয়ৰ চিকিৎসা বিষয়া ডা:হেমেন কুমাৰ শৰ্মাই,বন্তি প্ৰজ্বলন কৰে সমাজকৰ্মী নৃপেন লহকৰে আৰু মাল্যাৰ্পণ কৰে গিৰিবালা চৌধুৰীয়ে ৷
অনুষ্ঠানত অঞ্চলটোৰ কেইবাগৰাকীও বোৱাৰী, জীয়ৰী,শিশু শিল্পী আদিয়ে ড:হাজৰিকাৰ কালজয়ী গীত পৰিবেশন কৰাৰ লগতে আমন্ত্ৰিত নৃত্যদলৰ নৃত্য প্ৰদৰ্শনে ৰাইজক আপ্লুত কৰে ৷ ইয়াৰো পৰি কেইজনমান আমন্ত্ৰিত অতিথিয়ে ড:হাজৰিকাৰ স্মৃতি ৰোমন্থন কৰাৰ উপৰিও আমন্ত্ৰিত শিল্পীৰ পৰিবেশিত গীত -মাতে সমগ্ৰ অঞ্চলটো জিপাল কৰি তোলে ৷
উদযাপন সমিতিৰ সভানেত্ৰী ববিতা চৌধুৰী আৰু অন্যতম উদ্যোক্তা শৈলেন দেৱ শৰ্মা,শংকৰদেৱ বিদ্যা নিকেতন,বাহাৰঘাটৰ আচাৰ্য্যা মণি দেৱীয়ে আতধৰা সাংস্কৃতিক অনুষ্ঠানটো পৰিচালনাত সহায় কৰে সম্পাদক ৰাজু লহকৰ,চ’কৰ ব্যৱসায়ী ভবেশ লহকৰ,বিৰাজ চৌধুৰী,বিজু ফুকন শৰ্মা,সঞ্জীৱ লহকৰ সহ চ’কৰ আটাইবোৰ ব্যৱসায়ীৰ লগতে কেইবাজনো উৎসাহী যুৱকে ৷
